ପାର୍ମେଶ୍ୱାର୍ରାଃ କାଲିସିୟାରେ ଉକୁୱାକାନ୍ ସୁକୁକାଜିରେୟାଃ ଜୋ: “ଏସ୍କାର୍ ପାର୍ମେଶ୍ୱାର୍ରେ ଇଟିଙ୍ଗାକାନା”
ଆବୁୱାଃ ହଡ଼୍ମ ଆର୍ ଆତ୍ମାକରେୟାଃ ଯୀଦାନ୍ରେ ଜାନାଅଁ ରାକାମ୍ଲେକାନ୍ ବିନିଡ଼ାଅ ଆର୍ କନଟଙ୍ଗ୍ ତାୟୁଃ ତାନା। ସେନଃୟାଁନ୍ ଦିପିଲିରେ, ଚିମ୍ତା ଇସ୍ରାଏଲୀକ ମାପ୍ରାଙ୍ଗ୍ କେଣ୍ଟେଦ୍କକ ଦାରମାନା-ବେଗାର୍ ଦାଃଆ ଅଡ଼ଃ ଜମେୟାଃ ରେୟାଃ ଥାଲାରେ ଅଡ଼ଃ ଆନାକାକୱାଃ କାନାନ୍ ଦିଶୁମ୍ରେ, ୟାହଶୁ ଆର୍ କାଲେବ୍ ଏସ୍କାର୍ ପାର୍ମେଶ୍ୱାର୍ରେ ଆଶ୍ରାକିନ୍ ଦହକେଦା। ଏନ୍ଲେକାଗେ, ଆବୁକେୟଗେ କେଣ୍ଟେଦ୍କରାଃ ଥାଲାରେ ପାର୍ମେଶ୍ୱାର୍ରାଃ ହୋରାତେ ନିଃଈଁୟାଁକାନ୍ ଆଶ୍ରାରାଃ ଦୂୱାର୍ ନେଲେରାଃ ବିଶ୍ୱାସ୍ ତାୟୁଃ ଲାଗାତିଙ୍ଗା।
କେଣ୍ଟେଦ୍କରେ ବୁୱାଲଃତାନ୍ ଆଲ୍ପୁଙ୍ଗ୍ ଥାଲାରେୟଗେ, ଏସ୍କାର୍ ପାର୍ମେଶ୍ୱାର୍ରାଃ କାଜିରେ ସେସେନ୍ରେନାଙ୍ଗ୍ ପୁରାଃଅ ସୁକୁକାଜି।
ଚିଲ୍କା ୟୀଶୁୱାଃ ଯୀ ବିନିରିଦ୍ ଆର୍ ସିର୍ମାତେ ସେନଃୟାଁନ୍ ହୋରାତେ ହୁଡ଼ିଙ୍ଗ୍ ଯୀ’ୟାକାନ୍ ଏନେଟେଃ କାଲିସିୟାରେନ୍ ସାନ୍ତକ ନାଗେନ୍ତେ ପାର୍ମେଶ୍ୱାର୍ ସିର୍ମା ରାଇଜ୍ରାଃ ଆଶ୍ରା ରେୟାଃ ଦୂୱାରାଏ ନିଃଈଁକେଦା, ଅଡ଼ଃ ଚିଲ୍କା ୟୀଶୁ ପାତ୍ରାସ୍କେ, ଅକନିଃ ଗୋଟା ନିଦାରେ ଜେତାନିଃ କାଏ ସାବାନା, ଆୟାଃ କାଜିରେ ସେସେନେୟାଁନ୍ରେ ଆକାନ୍ଦାନ୍ଦାନ୍ କାଜିଏ ନେଲାନା, ଏନ୍ଲେକାଗେ ତିସିଙ୍ଗ୍ ଖ୍ରୀଷ୍ଟ୍ ଆନ୍ ସାଙ୍ଗ୍ ହୋଙ୍ଗ୍ଗାଃ ନେ କାଜିରେୟ, ଚି “ଗୋଟା ଅତେ ଦିଶୁମ୍ରେ ସୁକୁକାଜି ପ୍ରାଚାରଃୱା,” ସାର୍ତିଗେ ପୁରାଃୱା।
ଏ ପ୍ରାଭୁ ଉଡ଼ୁଃତାଇଁଙ୍ଗ୍ ଚିନାଃ ତାନାଃ ଅଡ଼ଃ ଯୀଦାନ୍ ତାଇଁଙ୍ଗ୍ରେୟାଃ ମା ଚିମିନାଙ୍ଗା? ଏନା ଇତୁଇଁଙ୍ଗ୍ମେ, ଆଇଁଙ୍ଗ୍ ଗଜଃଲେକା’କାନା ନେୟାଁ ଆଟ୍କାର୍ ଇଚିଙ୍ଗ୍ମେ। ନାଃଆଁ ଏ ପ୍ରାଭୁ ଚିକାନାଃଇଁଙ୍ଗ୍ ନେଲ୍ ହୋରାଃ? ଆମ୍ତାଃରେଗେଙ୍ଗ୍ ଆଶ୍ରାଏତାନା। ଦାଉଦାଃ ଦୁରାଙ୍ଗ୍ 39:4-7
ମେନ୍ଦ ଟୁଣ୍ଡୁଃ ଜାକେଦ୍ ଇଟିଙ୍ଗାକାନ୍ନିଃଏ ଦୁଗଃୱା। ଅଡ଼ଃ ରାଇଜ୍ ରେୟାଃ ନେ ସୁକୁକାଜି ସୋବେନ୍ ଦିଶୁମ୍ରେନ୍କୱାଃ ଗୱା ନାଗେନ୍ତେ, ଗୋଟା ଅତେ ଦିଶୁମ୍ରେ ଉଦୁବଃୱା, ଅଡ଼ଃ ଏନ୍ତେ ଟୁଣ୍ଡୁଃୱା। ମାତି 24:13-14
- Post Date
- May 1, 2026
- Emotion
- 0
