Kaitorni Motha-o Kothoma Kahamni Hamchamani Aboni Kók Huijak: “Chwng Kaitorni Thani Khá Bero”
Chini bahan bwthwini langma-o bo tei chini pholani langma-o bo, je phuru phano amjokmungrok tei kebengmungrok tongo. Swkango, Israilsarok kotorma amjokmungrogo manjak phuru—twibo kwrwi, chámugbo kwrwi wng phuru, tei Kanan ha-o borok kotorrok tongwi tong phuru, Josua bai Kaleb khe bórokni Khátungmungno Kaitorni aro simi se bera-o. Bórok hai kheno, chinibo haino tongkutukni jorarogo Kaitor chini bagwi piyogwi rwmani a khátungmungni dugarno nuknani bagwi poito nango.
Tongkutukni Aphal Sipsa Phuru Suda, Kaitorni Kóktháini Bising Tẃi Khe Kothoma Kaham Bebakno’-no Pura Khlai-o
Jisu krusso kanta bujak phuru khá báijaknai a swkangni Mothani Kaitorni bororokni bagwi Jisu thangwi bachamani bising tẃi tei chuknoha-o kasaui thángmani bising tẃi khe chuknohani khátungmungni dugarno phiyogwi rwmani hai kheno, tei hopung mungsa phano romwi manya a Pitorno Jisu, soidomni samung phunukmani hai kheno, chwng bo Bini kókno khna phuru khe, tabukbo haino“O kothoma kaham swngchar gwnangwi pírjak anw,” hwnmani Khristo Ahnsahnghongni o kóktháirok, jesa khe phano pura wng anw.
“Subraiyung, ano ani páithakno si rw di, tei ani sal bwswk lok saui man rw di; ani salrok bwswk khe doui thángwi tong ano si rw di. . . . “Subraiyung, tabuk ang tamono naisingwi tongnai? Nwng’-no ani khatungma. Lobmung 39:4–7
Tamo khe soiwi man suknai borok bo se mwthangjaknai. Hakhe Kaitorni hani o Kothoma Kaham swngchar gwnangwi bebak bororokni thani khna rwna bagwi pírjak anw; aphuru khe o mol pái anw.” Mathai 24:13–14
- আগের তারিখ
- May 1, 2026
- সহানুভূতি
- 0
