Si Haring Asa ug si Haring Josafat

Ang Sekreto ni Haring Asa ug Haring Josafat sa Juda nga Nakadawat sa Panalangin sa Dios

Si Haring Asa ug Haring Josafat matinud-anon nga nagtuman sa mga mando ug balaod sa Dios, nagguba sa matag diosdios, ug nagdumala sa ilang katawhan ug mga gingharian uban ang dili matarog nga pagtuo nga ang tanan mamaayo basta anaa kanila ang Dios. Tungod niini, gihatagan sa Dios ang ilang nasod og kalinaw, ug gihatagan Niya sila og nag-awas nga mga panalangin ug himaya.

Dili Nato Angay Sundogon ang mga Sayop ni Haring Asa ug Haring Josafat Niining Panahona

Pinaagi sa kasaysayan nga narekord sa Biblia, gipakita sa Dios sa katawhan ang dalan aron makadawat sa Iyang mga panalangin. Dili kita angay makasala pinaagi sa pagdangop sa gamhanang mga nasod alang sa tabang samtang napakyas sa pagpangita sa Dios, sama sa gibuhat ni Asa sa iyang ulahing katuigan. Dili usab kita angay makig-abin niadtong nagbuhat og daotan o magpadayon sa bisan unsang paningkamot uban kanila, sama sa gibuhat ni Josafat. Kini tungod kay kon atong kalimtan ang Dios ug ibutang ang atong pagsalig sa mga tawo ug mga kahimtang sa atong palibot, Iyang bawion ang Iyang mga panalangin gikan kanato.

Nagtigom sila sa Jerusalem sa ikatulong bulan sa ika-15 nga tuig sa paghari ni Asa. Nianang adlawa naghalad sila ngadto sa GINOO ug mga mananap gikan sa inilog nilang mga kahayopan—700 ka baka ug 7,000 ka karnero. Naghimo silag panaad sa pagsimba sa GINOO, ang Dios sa ilang katigulangan, sa bug-os nilang kasingkasing ug kalag. Gikalipay sa tanang taga-Juda ang ilang gipanumpa kay kinasingkasing man kini nila nga gihimo. Naningkamot sila sa pagsunod sa kinasingkasing gayod ug nakaplagan nila ang GINOO ug gihatagan Niya silag kalinaw. 2 Chronicles 15:10–15