Unsaon Ko Man Pagluwas Kanila?

Nganong Kanunay Ginahatagan sa
Pagtagad sa Dios ang Pagkamatinumanon
Isip usa ka Importante Kaysa Abilidad?

Si Gideon mao ang labing ubos sa iyang pamilya
nga sakop sa labing huyang nga banay sa tanang
banay sa Israel. Apan napildi niya ang 135,000
ka Midianhon nga mga lalaki nga may 300 lamang
ka sundalo pinaagi sa pagsunod sa pulong sa Dios.
Si Moises ug Josue midaog usab sa gubat batok
sa mga Amalekanhon pinaagi sa pagsunod sa pulong
sa Dios. Sa samang paagi, bisan karon, ang kadaugan
sa tanang sitwasyon nagagikan sa pagsalig sa tabang
sa Dios ug sa pagsunod Kaniya.

Ang Sekreto sa Pagkabulahan,
Nga Gitudlo Kanato ni Cristo Ahnsahnghong
ug Dios Inahan

Sama sa propesiya ni Isaias, “Himoon sa Dios
ang kinagamyan nga usa ka gamhanang nasod,”
kadtong makaamgo nga ang tanang butang dinhi
sa yuta natuman sumala sa plano sa Dios
ug misunod sa pulong sa Dios, bisan sa nga
walay hinungdan, mapanalanginan.

Ug mitubag siya, “Apan, Ginoo,...
Ang akong panimalay mao ang labing mahuyang
sa banay ni Manases ug ako ang labing ubos
nga sakop sa akong pamilya.” Ug ang Ginoo
miingon kaniya, “Mahimo mo kini kay tabangan
ko man ikaw. Mabuntog mo ang mga Midianhon
sa labing sayon nga paagi sama nga usa ra sila ka tawo.”
Maghuhukom 6:15-16

Pulos na unya matarong ang inyong katawhan;
sila na ang manag-iya sa nasod hangtod
sa kahangtoran; sila nga maoy saha
sa akong tinanom, ang akong mga binuhat
mismo aron ako kapasidunggan. Mosanay
ang labing diyutay kanila ug mahimong
gamhanang nasod. Inig-abot sa hustong panahon
dalion ko kini pagbuhat. Ako mao ang Ginoo!”
Isaias 60:21-22