ଏନ୍ ହଡ଼କୱାଃ ସେସେନ୍ ଚିନାଃ ତାନା ଅକନ୍କ ଖ୍ରୀଷ୍ଟ୍ ଆନ୍ ସାଙ୍ଗ୍ ଅଡ଼ଃ ଏଙ୍ଗା ପାର୍ମେଶ୍ୱାର୍କେ ମାସ୍କାଲ୍ ଲେକାତେକ ମାନାତିଙ୍ଗ୍କିନ୍ ତାନା?
ଚିଲ୍କା କା ନେଲଃ ନେଡାକେ ନେଲେ ନାଗେନ୍ତେ ଘାଳି ବାଇଲେନା, ଏନ୍ଲେକାଗେ ଧାରାମ୍ ପୁଥିରାଃ ହୋରାତେ କା ନେଲଃ ଆତ୍ମିକ୍ ଦିଶୁମ୍ରେ ସିର୍ମା ଚାଏ ନାରାକ୍ରାଃ ବିଚାର୍ ନେଲ୍ ଉରୁମ୍ ଧାଳିୟଃୱା । ଚିୟାଃଚି ୟୀଶୁ, ଅକନିଃ ମାସ୍କାଲ୍ ଲେକାତେ ମାଲ୍କିସିଦାକାଃ ହୁଦା ଲେକାତେ ହିଜୁଃୱାକାନା, ଅଡଃ ଇନିଃକେ ମାନାତିଙ୍ଗିତାନ୍କ, ପାର୍ମେଶ୍ୱାର୍ରାଃ କାଲିସିୟାରେନ୍ ହାଗାମିସିକୟ ନାୱାଁ ନିୟାଁମ୍ରାଃ ଫାସାକ ମାନାତିଙ୍ଗ୍ ତାନା ଅଡ଼ଃ ଇନିୟାଃ ଇନିତୁକ ମାନାତିଙ୍ଗ୍ ତାନା।
ଦୁନୁଃ ନାମେ ମାସ୍କାଲ୍ରେନ୍ ହନ୍କ ଅକଏ ତାନ୍କ, ଅଡ଼ଃ ବିଚାରଃ ନୁବାଃରେନ୍ ହନ୍କ ଅକଏ ତାନ୍କ?
ବାର୍ ହାଜାର୍ ସିର୍ମା ସିଦା, ହଡକ ବାର୍ ହାନାଟଙ୍ଗ୍ରେକ ହାଟିଙ୍ଗାକାନ୍ ତାଇକେନା- ମିଦ୍ ଗୋଟ୍କ ୟୀଶୁକେ ଦୁଦୁଃନି ଲେକାତେ ମାନାତିଙ୍ଗିତାନ୍ ତାଇକେନା ଅଡ଼ଃ ଏଟାଃକ ୟୀଶୁରେ କାକ ବିଶ୍ୱାସିତାନ୍ ତାଇକେନା, ଏନ୍ଲେକାଗେ ନେ ପାବିତ୍ର ଆତ୍ମାଃ ଦିପିଲିରେ, ଖ୍ରୀଷ୍ଟ୍ ଆନ୍ ସାଙ୍ଗ୍ ହୋଙ୍ଗ୍ ଅଡ଼ଃ ଏଙ୍ଗା ପାର୍ମେଶ୍ୱାର୍ରେକ ବିଶ୍ୱାସେତାନା, ଇନ୍କିନ୍ ଆତ୍ମା ଅଡ଼ଃ କନେୟାଁ ଲେକାତେକନ୍ ହିଜୁଃୱାକା, ଅଡଃ ଇନ୍କିନ୍ରେ କା ବିଶ୍ୱାସେଲେକାନ୍ ହଡ଼କ ମେନାଃକଆ । ଧାରାମ୍ ପୁଥିଏ ମେନେତାନା ନେ କାଜିରାଃ ବିଶ୍ୱାସ୍ଦ ପାର୍ମେଶ୍ୱାର୍ ସିଦାଏତେଗେ ନେୟାଁଏ ବିଚାର୍ ପକ୍ତାକାଦା ।
ଅଡ଼ଃ ସାଜାଇ ନେୟାଁଅଁଗେ ତାନାଃ, ମାର୍ସାଲ୍ ଅତେଦିଶୁମ୍ରେ ହିଜୁଃୱାକାନା ଅଡ଼ଃ ହଡ଼କ ଇନ୍କୁୱାଃ କାମିତେ ଏତ୍କାୟାଁନ୍ତେ ମାର୍ସାଲାଏତେ ନୁବାଃ ଜାଦ୍କାକ ଦୁଲାଡ଼୍କେଦା।
ଏତ୍କାନାଃ କାମିନିଃଦ ମାର୍ସାଲାଏ ହିଲାଙ୍ଗେୟାଁ ଅଡ଼ଃ ଆୟାଃ କାମି ଆଲକା ଉଦୁବଃ ମେନ୍ତେ ମାର୍ସାଲ୍ତାଃ କାଏ ହିଜୁଃୱା।
ମେନ୍ଦ ଆୟାଃ କାମି ପାର୍ମେଶ୍ୱାର୍ସାଃଏତେ କାମିୟାଁକାନା ଏନା ଉଦୁବଃକା ମେନ୍ତେ ସାନାର୍ତିରେ ସେନ୍ନିଃ ମାର୍ସାଲ୍ତାଃଏ ହିଜୁଃୱା।
ଯୋହାନ୍ 3:19-21
ପାର୍ମେଶ୍ୱାର୍ ମାସ୍କାଲ୍ତାନିଃ ଅଡ଼ଃ ଇନିଃରେ ଜେତା ଇମିନାଙ୍ଗ୍ ଆବୁୱାଃ ବାନଃୱାଁ, ଏନାଦ ଇନିଃଏତେଲେ ଆୟୁମାକାଦ୍ ଆର୍ ନାଃଆଁଲେ ଉଦୁବାପେତାନ୍ କାଜି ତାନାଃ।
1ଯୋହାନ୍ 1:5
- Post Date
- 2025. 03. 21
- Emotion
- 0
