Rarama kei na Butobuto

Na Cava na Nodra iTovo o Ira Era sa Ciqomi Karisito
Ahnsahnghong kei na Kalou na Tina ka Lako
Mai me Vaka na Cina?

Me vaka ga na kena buli na kaloko meda raica kina
na toso ni gauna e sega ni laurai, eda rawa ni raica
ena iVolatabu na lewa ni lako i lomalagi se eli ena
vuravura vakayalo tawarairai.
Me vaka ni o Jisu, ka a lako mai me vaka na rarama,
a lako mai ena ivakarau nei Melikiseteki, na Nona imuri,
o ira na lewe ni Lotu ni Kalou, era a maroroya talega na
Lakosivia vou ni veiyalayalati ka muria na Nona ivakavuvuli.

O Cei o Ira na Luve ni Rarama Era na Vakabulai,
kei Cei o Ira na Luve ni Butobuto Era na Lewai?

Ena rua na udolu na yabaki sa oti, era a wasewasei
vakarua na tamata—o ira era a vakabauti Jisu ka
ra a lako mai vakayago me nodra iVakabula kei ira
era a sega ni cakava, kei na yabaki ni Yalo Tabu,
era tu eso era vakabauti Karisito Ahnsahnghong kei
na Kalou na Tinada, ka ra sa lako mai me vaka na
Yalo kei na Yalewa Vakawati, kei ira era sega ni cakava.
E kaya na iVolatabu ni sa vakadeitaki oti na lewa ni
Kalou, ka yavutaki ena vakabauta oqo.

Oqo na yavu e tau kina na lewa: a sa lako mai na
rarama ki vuravura, ia era sa vinakata ga na tamata
na butobuto ka cata na rarama, baleta ni sa rui
vakasisila na nodra i valavala.
O ira kece sa kitaka na i valavala ca era sa cata na
rarama ka sega ni lako mai ki na rarama, baleta
ni ra besetaka me kunei na nodra i tovo vakasisila.
Ia o ira sa vakayacora na ka dina sa lako mai ki
na rarama. Oqo me vakaraitaki kina ni veika era
sa kitaka sa vakayacori mai na nodra talairawarawa
vua na Kalou.
Joni 3:19–21

Sa i koya oqo na i tukutuku keitou sa rogoca mai vua
na Luvena, ka keitou sa tukuna yani oqo vei kemuni:
ni sa rarama na Kalou, ka sa sega sara vua na butobuto.
1 Joni 1:5