[ລັກສະນະຂອງຜູ້ທີ່ຍອມຮັບພະຄິດ ພະອັນຊັງໂຮງ
ແລະ ພະເຈົ້າພະມານດາ ຜູ້ຊົງເປັນຄວາມສະຫວ່າງນັ້ນເປັນແນວໃດ?]
ດັ່ງທີ່ໂມງໄດ້ຖືກປະດິດສ້າງຂຶ້ນມາ ເພື່ອໃຫ້ພວກເຮົາເຫັນການຜ່ານໄປຂອງເວລາ ທີ່ເບິ່ງບໍ່ເຫັນ, ພວກເຮົາກໍສາມາດເຫັນການພິພາກສາທີ່ວ່າ ຈະໄປສະຫວັນ ຫຼື ໄປນະຮົກ ໃນໂລກຝ່າຍຈິດວິນຍານທີ່ເບິ່ງບໍ່ເຫັນ ຜ່ານທາງພະຄໍາພີ. ເນື່ອງຈາກພະເຢຊູ ຜູ້ທີ່ໄດ້ສະເດັດມາເປັນຄວາມສະຫວ່າງ ຊົງສະເດັດມາຕາມລະບຽບການຂອງເມນຄີເສເດັກ, ຜູ້ຕິດຕາມຂອງພະອົງ ຄືບັນດາສະມາຊິກໃນຄິດສະຕະຈັກຂອງພະເຈົ້າ ກໍປະຕິບັດຕາມປັດສະຄາແຫ່ງຄໍາໝັ້ນສັນຍາໃໝ່ ແລະ ເຮັດຕາມຄໍາສັ່ງສອນຂອງພະອົງ.
[ໃຜເປັນບັນດາລູກແຫ່ງຄວາມສະຫວ່າງ ຜູ້ທີ່ຈະໄດ້ຮັບຄວາມພົ້ນ
ແລະ ໃຜເປັນບັນດາລູກແຫ່ງຄວາມມືດທີ່ຈະຖືກພິພາກສາ?]
ສອງພັນປີກ່ອນ, ຜູ້ຄົນໄດ້ຖືກແບ່ງອອກເປັນສອງກຸ່ມຄື ກຸ່ມທີ່ເຊື່ອໃນພະເຢຊູ ຜູ້ທີ່ຊົງສະເດັດມາໃນສະພາບເນື້ອໜັງ ວ່າເປັນພະຜູ້ຊ່ວຍໃຫ້ພົ້ນຂອງພວກເຂົາ ແລະ ກຸ່ມທີ່ບໍ່ເຊື່ອ,
ແລະ ໃນສະໄໝພະວິນຍານບໍລິສຸດ, ກໍມີກຸ່ມທີ່ເຊື່ອໃນພະຄິດ ພະອັນຊັງໂຮງ ແລະ ພະເຈົ້າພະມານດາ ຜູ້ທີ່ໄດ້ຊົງສະເດັດມາເປັນພະວິນຍານ ແລະ ເຈົ້າສາວ ແລະ ກຸ່ມທີ່ບໍ່ເຊື່ອ.
ພະຄໍາພີກ່າວວ່າ ການພິພາກສາຂອງພະເຈົ້າໄດ້ຖືກກໍານົດໄວ້ແລ້ວ ໂດຍອີງໃສ່ຄວາມເຊື່ອນີ້.
ການຕັດສິນລົງໂທດເປັນດັ່ງນີ້: ຄວາມສະຫວ່າງໄດ້ເຂົ້າມາໃນໂລກ ແຕ່ມະນຸດໄດ້ຮັກຄວາມມືດຫຼາຍກວ່າຮັກຄວາມສະຫວ່າງ ເພາະການກະທໍາຂອງເຂົາຊົ່ວ. ທຸກຄົນທີ່ກະທໍາຊົ່ວກໍຊັງຄວາມສະຫວ່າງ ແລະ ຈະບໍ່ມາຫາຄວາມສະຫວ່າງ ເພາະຢ້ານວ່າ ການກະທໍາຂອງຕົນນັ້ນຈະຖືກເປີດເຜີຍ.
ແຕ່ພວກທີ່ກະທໍາຕາມຄວາມຈິງກໍມາຫາຄວາມສະຫວ່າງ ເພື່ອວ່າການກະທໍາຂອງຕົນໃນຄວາມເຊື່ອຟັງພະເຈົ້ານັ້ນ ຈະເປັນທີ່ເຫັນໄດ້ຢ່າງຈະແຈ້ງ.
[ໂຢຮັນ 3:19-21]
ຖ້ອຍຄໍາທີ່ພວກເຮົາໄດ້ຍິນຈາກພະອົງ ແລະ ປະກາດແກ່ພວກເຈົ້າກໍຄືວ່າ:
ພະອົງເປັນຄວາມສະຫວ່າງ; ຢູ່ໃນພະອົງບໍ່ມີຄວາມມືດຈັກດີ້.
[1 ໂຢຮັນ 1:5]
- ວັນທີໂພດສ໌
- 2025. 03. 21
- ຄວາມຮູ້ສຶກ
- 163
