Ka Jingshai bad ka Jingdum

Kiei ki Jinglong jong Kito Kiba la Pdiang ia
U Khrist Ahnsahnghong bad Ka Blei Ka Kmie Kiba la Wan kum ki Jingshai?

Kumba la thaw ia ki baje ban iarap ia ngi ban ïohi ia ka jingïaid jong ka por kabym lah ïohi,
ngi lah ban ïohi lyngba ka Baibl ia ka jingbishar ban leit sha bneng ne dujok
ha ka pyrthei bakynja mynsiem kabym lah ban ïohi.
Namar ba U Jisu, uba la wan kum ka jingshai, u la wan ha ka rukom u Melkhisedek,
ki nongbud jong U, ki dkhot jong ka Balang U Blei ruh,
ki sumar ia ka jutang bathymmai Ka Niam Ka Jinglait bad ki bud ia ki jinghikai jong U.

Mano ba Long ki Khun jong ka Jingshai ki ban Laitim,
bad Mano ba Long ki Khun jong ka Jingdum ki ban Shah Bishar?

Ar hajar snem mynshuwa, la phiah ia ki briew ha ki ar kynhun—
kita kiba ngeit ha U Jisu uba wan ha ka doh kum U Nongpynim jong ki bad kito ki bym shym la ngeit,
bad ha ka juk jong U Mynsiem Bakhuid, don kiba ngeit ha U Khrist Ahnsahnghong
bad Ka Blei Ka Kmie, kiba la wan kum U Mynsiem bad Ka Nongleit-kurim, bad kito ki bym ngeit.
Ka Baibl ka ong ba ka jingbishar jong U Blei ka la dep rai, katba kum kane ka jingngeit.

Kane te ka long kata ka jingpynrem, ba ka jingshai ka la wan ha ka pyrthei,
bad ki briew ki la ïa-ieit kham tam ïa ka jingdum ban ïa kata ka jingshai;
naba ki la long bymman ki jingleh jong ki. Naba u briew baroh uba ïai-leh ïa ka basniew, u shun ïa kata ka jingshai,
bad um wan ha kata ka jingshai, ïoh ba yn sneng pyrshah ïa ki jingleh jong u.
Hynrei, uta uba ïai-leh ïa kaba shisha, u wan ha kata ka jingshai
ba yn ïoh pynpaw ïa ki jingleh jong u, ba ha U Blei la leh ïa ki.
Ïoannis 3:19–21

Te kane ka long kata ka khubor ïa kaba ngi la ïohsngew na u, bad ngi ïa-pynbna ha phi:
U Blei u long ka jingshai, bad ha u, ka jingdum kam don satia.
1 Ïoannis 1:5