Ang Pagsaylo, ang Panalangin sa Kinabuhing Dayon

Ang Labing Dakong Panalangin nga Gihatag sa Dios Makita sa Pagsaylo

Sa diha nga ang mga Israelita nakalingkawas gikan sa pagkaulipon didto sa Ehipto, sa diha nga sila misulod sa gisaad nga yuta sa Canaan, sa diha nga si Haring Josias ug si Haring Ezekias, nga nagsimba sa mga diosdios, mibalik ngadto sa Dios, ug bisan sa diha nga ang mga Israelita gipagawas gikan sa pagkabihag, ang Pagsaylo mao ang sentro. Sama niadtong mga panahona, ang buhat sa Dios sa kaluwasan napadayag pinaagi sa Pagsaylo karon.

Ang Church of God Nagsaulog sa Pagsaylo, Usa ka Bililhong Kabilin ni Jesus

Duha ka libo ka tuig kanhi, ang Pagsaylo sa bag-ong kasabotan, nga gitinguha ni Jesus nga saulogon uban sa Iyang mga tinun-an, giwagtang niadtong AD 325 tungod sa panagkunsabo tali sa relihiyon ug politika ug nawala ngadto sa kangitngit; apan, ingon sa gipropesiya, si Cristo Ahnsahnghong mianhi ug gisugdan ang buhat sa kaluwasan pinaagi sa Pagsaylo.

Ug miingon siya kanila, “Dako kaayo ang akong tinguha sa pagkaon uban kaninyo niining panihapon sa Kasaulogan sa Pagsaylo sa dili pa ako mag-antos.
Luke 22:15

Sa unang adlaw sa Kasaulogan sa Pan nga Walay Patubo, ang mga tinun-an miadto kang Jesus ug nangutana kaniya, “Asa man nimo gustong ipaandam kanamo ang panihapon sa Kasaulogan sa Pagsaylo?”
Si Jesus miingon kanila, “Adtoa ninyo ang usa ka tawo didto sa siyudad ug ingna siya, ‘Ang Magtutudlo nag-ingon, Miabot na ang akong oras. Ako ug ang akong mga tinun-an maghimo sa Kasaulogan sa Pagsaylo didto sa imong balay.’ “
Matthew 26:17–18