Apha Ahnsahnghong Wng Kha Kaitor, Tei-uáisa Phainai Khristo IV

Baibelo Sakki rwjaknai Melkisedek bai Songchajak Motha, Wng Kha Kaitorni Motha

Auang bai angur bwtwini bising tẃi hamari rwnai Melkisedekno Abraham chi-o kaisa rw kha, tei Daud hai hwnwi sasok kha “Melkisedek ochai hai mol brúm brúmni ochai wng kha Kaitor.” Teibo, “Melkisedek wng kha buma-bupha kwrwi eba achaimani bosong kwrwi” hwnwi swbai sama bai bororokno mwthangna bagwi Phola Kwtharni Molo Khristo tei uáisa phai phimano tẃiwi Chonghor Pol sakki rw kha.

Jisaia Bijabo Kók Diyari Sasokjakma hai kheno Kaham kuk Angur bwtwi bai Thwimungno Mol Brúm-Brúm Monok Páinai Kaitor Wng kha Sabo?

Swmai Kwchamni Melkisedek khe auang bai angur bwtwini bising tẃi Abrahamno bahan-bwthẃini hamari rw kha. Amo tẃi kheno, Swmai Kwtalni Yókma terni auang bai angur bwtwini bising tẃi Jisu chwngno sumsok nakarmung tei thwiphlaiya langmani hamari rw kha. 1,600 bisi Swmai Kwtalni Yókma ter sokomorjagwi tongmano songcha phirma bai Melkisedekni Bosong wngwi phainai Khristo Ahnsahnghong wng kha Kaitor hwwni Bó sakki rw kha.

Abram, Khedorlaomer bai bini pal habugrarokno mechenwi kiphilwi phai khe, . . . Salemni
Habugra Melkisedek auang tei angur bwtwi tubu-ui phai kha. . . . Hakhe Abram bono bebakni chi-o kaisa khe rw kha.
Yaphang 14:17-20

Jisu saui rohorma hai’-no sagrirok Yókma terni panda khlai kha. . . . Jisu ruti naui Kaitorno hambai rw kha . . . Hakhe bo khuri naui Kaitorno hamba rw kha . . . “Omo wng kha aswk bororokni sumsok nakarna bagwi kochok rwmani ani thẃi.”
Mathai 26:19-28

O hathái’-ono sengkrakrokni Subraiyung bebak bororokni bagwi . . . kaham kuk angur bwtwi bai panda khlaijaknai . . . Kwplaisa Subraiyung thwimano monogwi páinai . . . A salo hai hwnwi sajaknai “Nai di omo chini Kaitor; chwngno mwthangna bagwi bo naisingwi tong kha.”
Jisaia 25:6-9