ព្រះអាន់សាំងហុងជាព្រះគ្រីស្ទលើកទី២ (៤)

["ពួកជំនុំនៃព្រះ" គឺជាព្រះវិហារដែលបានតាំងឡើង
ដោយលោកម៉ិលគីស្សាដែលព្រះគម្ពីរធ្វើបន្ទាល់]

អ័ប្រាហាំបានថ្វាយដង្វាយមួយភាគក្នុងដប់ដល់ម៉ិលគីស្សាដែក ដែលបានប្រទាន
ព្រះពរដល់គាត់ដោយនំប៉័ង និងស្រាទំពាំងបាយជូរ។ ដាវីឌបានទាយទុកជាមុនថា
«សង្ឃនៅអស់កល្បជានិច្ច តាមរបៀបលោកម៉ិលគីស្សាដែក» គឺជាព្រះ។
សាវកប៉ុលបានធ្វើបន្ទាល់អំពីព្រះគ្រីស្ទលើកទី២ ដែលនឹងយាងមកនៅជំនាន់
ព្រះវិញ្ញាណបរិសុទ្ធ សម្រាប់សេចក្តីសង្គ្រោះរបស់មនុស្សជាតិថា
"លោក​ម៉ិលគីស្សាដែក គ្មាន​មាតាបិតា គ្មាន​ពង្សាវតារ​"។

[តាមទំនាយរបស់អេសាយ តើព្រះដែលបានបំផ្លាញសេចក្តីស្លាប់
ដោយស្រាទំពាំងបាយជូរសំរាំង គឺជាអ្នកណា?]

លោកម៉ិលគីស្សាដែកនៃសញ្ញាចាស់ បានប្រទានព្រះពរខាងសាច់ឈាមដល់អ័ប្រាហាំ
ដោយនំប៉័ង និងស្រាទំពាំងបាយជូរ ហើយព្រះយេស៊ូវវិញ បានប្រទានព្រះពរ
នៃការផ្តាច់បាប និងជីវិតអស់កល្ប ដោយនំប៉័ង និងស្រាទំពាំងបាយជូរ
នៃបុណ្យរំលង។ ចំណែកព្រះអាន់សាំងហុងវិញ ទ្រង់បានតាំងបុណ្យរំលង
សញ្ញាថ្មី ឡើងវិញ ដែលត្រូវបានលុបបំបាត់ចោលអស់១៦០០ឆ្នាំ ហើយបាន
ធ្វើបន្ទាល់ថា ទ្រង់គឺជាព្រះ ដែលបានយាងមកតាមរបៀបលោកម៉ិលគីស្សាដែក។

កាល​គាត់​បាន​ត្រឡប់​មក​ពី​វាយ​កេដូឡោមើរ និង​ពួក​ស្តេច​ដែល​នៅ​ជា​មួយ​នឹង​ទ្រង់​វិញ​ហើយ … ម៉ិល​គី​ស្សា​ដែក​​​ជា​ស្តេច​ក្រុង​សាឡិម ក៏​នាំ​យក​នំបុ័ង និង​ស្រា​ទំពាំងបាយជូរ​មក​ … រួច​គាត់​ក៏​ថ្វាយ​១​ភាគ​ក្នុង​១០ ពី​គ្រប់​របស់​ទាំង​អស់​ដល់​ទ្រង់
[លោកុប្បត្តិ ១៤:១៧-២០]

ដូច្នេះ ពួក​សិស្ស​ក៏​ធ្វើ​តាម​បង្គាប់​ព្រះយេស៊ូវ ហើយ​គេ​រៀបចំ​ធ្វើ​បុណ្យ​រំលង … ព្រះយេស៊ូវ​ទ្រង់​យក​នំបុ័ង ហើយ​កាល​ទ្រង់​បាន​ប្រទាន​ពរ … រួចទ្រង់យកពែង(ស្រាទំពាំងបាយជូរ)មកប្រទានពរ … គឺជាឈាម​នៃ​សញ្ញាថ្មី ដែលបានច្រួចចេញ សម្រាប់មនុស្សជាច្រើន ប្រយោជន៍នឹងផ្ដាច់បាប
[ម៉ាថាយ ២៦:១៩-២៨]

នៅ​លើ​ភ្នំ​នេះ ព្រះយេហូវ៉ា​នៃ​ពួក​ពលបរិវារ ទ្រង់​នឹង​ចាត់ចែង​ជប់លៀង​ដល់​គ្រប់​ទាំង​សាសន៍ ដោយ​ … ស្រា​ទំពាំងបាយជូរ​សំរាំង … ទ្រង់នឹងបំផ្លាញសេចក្តីស្លាប់ឲ្យសូន្យបាត់ទៅជាដរាប … នៅ​គ្រា​នោះ គេ​នឹង​ពោល​ថា មើល នេះ​គឺ​ជា​ព្រះ​នៃ​យើង​រាល់​គ្នា យើង​បាន​រង់ចាំ​ទ្រង់ ហើយ​ទ្រង់​នឹង​ជួយ​សង្គ្រោះ​យើង …
[អេសាយ ២៥:៦-៩]