U Kpa Ahnsahnghong U Long U Blei, U Khrist Uba la Wan ha Kaba Arsien IV

Ka Balang ba la Seng da U Melkhisedek Uba La Phla ha ka Baibl, Ka Dei Ka Balang U Blei

U Abraham u la ai ia kaba shiphew sha U Melkhisedek uba la kyrkhu ia u lyngba u kpu bad ka wain, bad U Dabid u la iathuhlypa ba “u lyngdoh bymjukut uba bud ia ka Rukom U Melkhisedek u long U Blei.” Bad ruh, U Apostol Paul u la phla shaphang U Khrist uban wan biang ha ka Juk jong U Mynsiem Bakhuid na ka bynta ka jingpynim jong u bynriew, da kaba batai ba “U Melkhisedek u long uba khlem kpa, uba khlem kmie, bad uba khlem jinghiar pateng.”

Uei U Blei Uba La Nguid Tylli ia ka Jingiap Junom Da ka Wain kumba La Iathuhlypa ha ka Kitab U Isaiah?

U Melkhisedek jong ka Testament Barim u la ai ia U Abraham ka jingkyrkhu bakynja doh lyngba u kpu bad ka wain. Ha kajuh ka rukom, U Jisu u la ai ia ka jingkyrkhu jong ka jingmap ki pop bad ka jingim bymjukut lyngba u kpu bad ka wain jong ka Jutang Bathymmai ka Niam ka Jinglait. U Khrist Ahnsahnghong u la phla ba U long U Blei uba la wan ha ka Rukom U Melkhisedek, da kaba pyniohpat ia ka Jutang Bathymmai ka Niam ka Jinglait kaba lah shah pynduh noh 1,600 snem.

Te u syiem Sodom u la wan tan ia U Abram haba u wan phai na kaba shoh noh ia U Khedorlaomer, bad ia kita ki syiem kiba la don lem bad u . . . Bad U Melkhisedek u syiem Salem u la wallam ia u kpu bad ia ka umsoh waiñ . . . Te U Abram u la ai ia kaba shiphew bynta ha u na ka jinglute baroh.
Jenesis 14:17‒20

Ki synran te ki la leh kumba U Jisu u la batai ia ki; bad ki la iakhreh ia kata ka niam ka jinglait . . . U Jisu u la shim ia u kpu, bad ynda u la nguh, u la kdiah . . . Ynda u la shim ia ka khuri [wain] ruh, bad ba u la nguh . . . “To dih na kane phi baroh; naba kane ka long ka snam jong nga, kaba ka jong ka jutang bathymmai, ia kaba yn sa pynmih noh na ka bynta kiba bun, ia kaban map ki pop.”
Mathaios 26:19‒28

Te ha une u lum U Trai ki paid un pynlong . . . ka jingkhawai waiñ ba la buh slem . . . U la nguid tylli ia ka jingiap junom . . . Te yn ong ha kata ka sngi, “Ha khmih, une u long U Blei jong ngi; ngi la khmihlynti ia u, te un pynim ia ngi;”
U Isaiah 25:6‒9