Atate Ahnsahnghong Ndi Mulungu, Khristu Amene Anadza Kachiwiri IV

Mpingo Wokhazikitsidwa ndi Melkizedeki Amene Amachitilidwa umboni m’Baibulo, Ndi Mpingo wa Mulungu

Abrahamu anapereka chachikhumi kwa Melekizedeki amene anam’dalitsa kudzera mu mkate ndi vinyo, ndipo Davide analosera kuti “wansembe wamuyaya wotsatira dongosolo la Melkizedeki ndi Mulungu.” Komanso, mtumwi Paulo anachitira umboni za Khristu amene adzabweranso m’Nthawi ya Mzimu Woyera pachipulumutso cha anthu, pofotokoza kuti “Melkizedeki alibe atate kapena amayi ake , kapena mawerengedwe achibadwidwe.

Kodi Mulungu Ndani Amene Wameza Imfa Kwamuyaya ndi Vinyo Wokalamba Monga Analoseredwa M’buku la Yesaya?

Melkizedeki wa Chipangano Chakale anapatsa Abrahamu mdalitso wakuthupi kudzera mu mkate ndi vinyo. Momwemonso, Yesu anapereka mdalitso wa chikhululukiro cha machimo ndi moyo wosatha kudzera mu mkate ndi vinyo wa Paskha wa Pangano Latsopano. Khristu Ahnsahnghong anachitira umboni kuti Iye ndi Mulungu amene anabwera mu dongosolo la Melkizedeki, pobwezeretsa Paskha wa Pangano Latsopano yemwe anathetsedwa kwa zaka 1,600.

Ndipo anatuluka mfumu ya Sodomu kukomana naye, atabwera anatha kuwakantha Kedorilaomere ndi mafumu amene anali naye,…Ndipo Melkizedeki mfumu ya ku Salemu, anatuluka nao mkate ndi vinyo… Ndipo anampatsa iye limodzi la magawo khumi la zonse.
Genesis 14:17–20

Ndipo ophunzira anachita monga Yesu anawauza, nakonza Paska. . . . Yesu anatenga mkate, nadalitsa . . . Ndipo pamene anatenga chikho [vinyo], anayamika . . . “ichi ndi mwazi wanga wa pangano wothiridwa chifukwa cha anthu ambiri ku kuchotsa machimo.”
Mateyu 26:19–28

Ndipo m’phiri limeneli Yehova wa makamu adzakonzera . . . phwando la vinyo wa pamitsokwe . . . Iye wameza imfa kunthawi yonse. . . . Ndipo adzanena tsiku limenelo, “Taonani, uyu ndiye Mulungu wathu; tamlindirira Iye, adzatipulumutsa.”
Yesaya 25:6–9