आन साङ होङज्यू दोस्रो पल्ट आउनुभएका ख्रीष्ट, परमेश्वर हुनुहुन्छ ४

[बाइबलले गवाही दिएको मल्कीसेदेकले स्थापना गर्नुभएको मण्डली
‘परमेश्वरको मण्डली’ हो]

अब्राहामले, रोटी र दाखमद्यद्वारा आशीर्वाद दिएका मल्कीसेदेकलाई
दशांश चढाए, दाऊदले ‘मल्कीसेदेकको दर्जाअनुसारका
अनन्तका पूजाहारी’ नै परमेश्वर हुनुहुन्छ भनेर अगमवाणी गरे ।
अनि प्रेरित पावलले ‘मल्कीसेदेक विनापिता, विनामाता
र विनावंशावली हुनुहुन्छ’ भन्ने वचनद्वारा मानव-जातिको मुक्तिको निम्ति
पवित्र आत्माको युगमा पुनः आउनुहुने ख्रीष्टको गवाही दिए ।

[यशैयाको अगमवाणीजस्तै छिप्पिएको मद्यद्वारा
मृत्युलाई सदाको निम्ति निल्नुहुने परमेश्वर को हुनुहुन्छ ?]

पुरानो करारका मल्कीसेदेकले रोटी र दाखमद्यद्वारा अब्राहामलाई
शारीरिक आशिष् दिएजस्तै येशूज्यूले नयाँ करार निस्तार-चाडको रोटी र
दाखमद्यद्वारा पाप-क्षमा र अनन्त जीवको आशिष् दिनुभयो ।
अनि आन साङ होङज्यूले १,६०० वर्षसम्म हटेको
नयाँ करार निस्तार-चाड पुनर्स्थापना गर्नुभएर
उहाँ मल्कीसेदेकको दर्जाअनुसार आउनुभएका
परमेश्वर हुनुहुन्छ भनेर गवाही दिनुभयो ।

कदोर्लाओमेर र तिनका मित्र राजाहरूलाई जितेर फर्कंदा …
अनि शालेमका राजा मल्कीसेदेक रोटी र दाखमद्य लिएर अब्रामकहाँ आए ।
… अनि अब्रामले उनलाई सबै कुराको दशांश दिए ।
उत्पत्ति १४:१७-२०

तब येशूको आदेशअनुसार चेलाहरूले गरे र तिनीहरूले निस्तार-चाडको प्रबन्ध मिलाए ।
… येशूले रोटी लिनुभयो र आशीर्वाद दिनुभएपछि … कचौरा पनि लिएर धन्यवाद दिई …
“किनभने यो नयाँ करारको मेरो रगत हो, जो धेरैका निम्ति पापको प्रायश्चितको लागि बगाइन्छ ।”
मत्ती २६:१९-२८

सर्वशक्तिमान् परमप्रभुले यसै पर्वतमा ... छिप्पिएको ... मद्यको भोज लाउनुहुनेछ ।
... उहाँले मृत्युलाई सदाको निम्ति निल्नुहुनेछ । ... त्यस दिन तिनीहरूले यसो भन्नेछन्,
“निश्चय उहाँ नै हाम्रा परमेश्वर हुनुहुन्छ, हामीले उहाँमाथि भरोसा गऱ्यौं र
उहाँले नै हामीलाई बचाउनुभयो । ...”
” यशैया २५:६-९