ພະອັນຊັງໂຮງຊົງເປັນພະເຈົ້າ ພະຄິດທີ່ຊົງສະເດັດມາເທື່ອທີສອງ IV

[ຄິດສະຕະຈັກທີ່ຖືກສ້າງຂຶ້ນ ໂດຍເມນຄີເສເດັກ ຜູ້ທີ່ຖືກພິຍານເຖິງໃນພະຄໍາພີແມ່ນ ຄິດສະຕະຈັກຂອງພະເຈົ້າ]

ອັບລາຮາມໄດ້ໃຫ້ໜຶ່ງສ່ວນສິບແກ່ເມນຄີເສເດັກ ຜູ້ທີ່ອວຍພອນເພິ່ນດ້ວຍເຂົ້າຈີ່ ແລະ ເຫຼົ້າອະງຸ່ນ ແລະ ດາວິດໄດ້ທໍານວາຍວ່າ “ປະໂລຫິດຕະຫຼອດໄປ ທີ່ຕິດຕາມຕາມລະບຽບການຂອງເມນຄີເສເດັກ ແມ່ນພະເຈົ້າ”.
ອັກຄະທູດໂລໂປໂລຍັງໄດ້ພິຍານເຖິງພະຄິດ ຜູ້ທີ່ຈະສະເດັດມາອີກຄັ້ງ ໃນສະໄໝຂອງພະວິນຍານບໍລິສຸດ
ເພື່ອຄວາມພົ້ນຂອງມະນຸດຊາດ ໂດຍອະທິບາຍວ່າ “ເມນຄີເສເດັກ ບໍ່ມີພໍ່ແມ່ ແລະ ບໍ່ມີເຊື້ອສາຍ”.

[ໃຜແມ່ນພະເຈົ້າ ຜູ້ທີ່ໄດ້ທໍາລາຍຄວາມຕາຍຕະຫຼອດໄປ ດ້ວຍເຫຼົ້າອະງຸ່ນ ຕາມທີ່ໄດ້ທໍານວາຍໄວ້
ໃນປຶ້ມ ເອຊາຢາ?]

ເມນຄີເສເດັກແຫ່ງພັນທະສັນຍາເດີມ ໄດ້ໃຫ້ອວຍພອນຝ່າຍຮ່າງກາຍແກ່ອັບລາຮາມ ໂດຍຜ່ານເຂົ້າຈີ່ ແລະ ເຫຼົ້າອະງຸ່ນ. ກໍເຊັ່ນດຽວກັນ, ພະເຢຊູໄດ້ຊົງໃຫ້ອວຍພະພອນແຫ່ງອະໄພການບາບ ແລະ ຊີວິດນິລັນ ໂດຍຜ່ານເຂົ້າຈີ່ ແລະ ເຫຼົ້າອະງຸ່ນແຫ່ງປັດສະຄາຄໍາໝັ້ນສັນຍາໃໝ່. ພະຄິດອັນຊັງໂຮງໄດ້ພິຍານວ່າ ພະອົງຊົງເປັນພະເຈົ້າ
ທີ່ສະເດັດມາ ຕາມລະບຽບການຂອງເມນຄີເສເດັກ ໂດຍການຟື້ນຟູປັດສະຄາຄໍາໝັ້ນສັນຍາໃໝ່ ເຊິ່ງຖືກຍົກເລີກໄປ ເປັນເວລາ 1,600 ປີ.

ເມື່ອອັບລາມກັບຄືນມາແຕ່ສູ້ຮົບ ແລະ ຊະນະເຈົ້າເຄໂດລາໂອເມ ແລະ ພັນທະມິດ... ເຈົ້າເມນຄີເສເດັກ ຜູ້ທີ່ເປັນກະສັດແຫ່ງນະຄອນຊາເລັມ ທັງເປັນປະໂລຫິດຂອງພະເຈົ້າອົງສູງສຸດ ກໍເອົາເຂົ້າຈີ່ກັບເຫຼົ້າອະງຸ່ນ​... ແລ້ວອັບລາມກໍໄດ້ຖວາຍໜຶ່ງສ່ວນສິບໃນສິ່ງຂອງທັງໝົດ ເຊິ່ງເພິ່ນໄດ້ມາຈາກການສູ້ຮົບນັ້ນ.
[ປະຖົມມະການ 14:17-20]

ພວກສາວົກກໍປະຕິບັດຕາມທີ່ພະເຢຊູໄດ້ບອກພວກຕົນ ແລະ ໄດ້ຈັດແຈງອາຫານປັດສະຄາ...
ພະເຢຊູກໍຈັບເອົາເຂົ້າຈີ່ຂຶ້ນມາ ແລະ ອ້ອນວອນຂອບພະຄຸນ... ແລ້ວພະອົງກໍຈັບເອົາຈອກ (ເຫຼົ້າອະງຸ່ນ) ຂຶ້ນມາ... ນີ້ແຫຼະແມ່ນເລືອດຂອງເຮົາ ເຊິ່ງຫຼັ່ງໄຫຼອອກສໍາລັບຄົນເປັນອັນມາກ ເພື່ອການບາບຈະໄດ້ຮັບອະໄພ.
[ມັດທາຍ 26:19-28]

“ພະຜູ້ເປັນເຈົ້າອົງຊົງລິດອໍານາດຍິ່ງໃຫຍ່ ຈະຕຽມງານກິນລ້ຽງໃຫຍ່... ມີເຫຼົ້າອະງຸ່ນທີ່ດີເລີດ...
ຈະທໍາລາຍຄວາມຕາຍຕະຫຼອດໄປ!... ເມື່ອເຫດການນັ້ນເກີດຂຶ້ນ ທຸກຄົນກໍຈະເວົ້າວ່າ 
“ພະອົງເປັນພະເຈົ້າຂອງຂ້າພະອົງທັງຫຼາຍ! ພວກຂ້າພະອົງເຊື່ອ ແລະ ໄວ້ວາງໃຈໃນພະອົງ;
ສະນັ້ນ ພະອົງຈຶ່ງຊ່ວຍກູ້ເອົາ ຂ້າພະອົງທັງຫຼາຍໄວ້.”
[ເອຊາຢາ 25:6-9]