ຜູ້ທີ່ສົ່ງຕໍ່ຄວາມສະຫວ່າງ

[ພວກເຮົາສາມາດພົບພະພອນຂອງພະເຈົ້າໄດ້ ເມື່ອຮູ້ຈັກຄວາມໝາຍຂອງພະຄຳທີ່ວ່າ
“ພະເຈົ້າຊົງເປັນຄວາມສະຫວ່າງ”]

ເມື່ອພວກ​ເຮົາ​ເບິ່ງ​ຄວາມ​ສະຫວ່າງ, ເງົາ​ຈະ​ປາກົດ​ຢູ່​ທາງ​ດ້ານຫຼັງ​ຂອງພວກ​ເຮົາ,
ແຕ່​ເມື່ອພວກ​ເຮົາ​ຫັນ​ຫຼັງ​ໃສ່​ຄວາມ​ສະຫວ່າງ, ເງົາ​ຈະ​ກີດຂວາງທາງ​ຂອງພວກເຮົາ.
ໃນທໍານອງດຽວກັນ, ເມື່ອມະນຸດມຸ່ງໄປຫາພະເຈົ້າ ຜູ້ຊົງເປັນຄວາມສະຫວ່າງ, ຄວາມມືດກໍບໍ່ສາມາດກີດຂວາງພວກເຂົາໄດ້.
ເໝືອນດັ່ງເຢເລມີຢາ ໃນສະໄໝພະບິດາ ແລະ ບັນດາສາວົກ ໃນສະໄໝພະບຸດ, ເມື່ອພວກເຮົາສົ່ງຕໍ່ຄວາມສະຫວ່າງແຫ່ງສະຫງ່າລາສີຂອງພະເຈົ້າ, ພວກເຮົາອາດຈະ
ພົບກັບການຂົ່ມເຫັງ ແລະ ອຸປະສັກທີ່ຢູ່ອ້ອມຂ້າງພວກເຮົາ. ເຖິງ​ຢ່າງ​ໃດ​ກໍ​ຕາມ,
ໃນ​ທີ່​ສຸດ, ພວກເຮົາ​ຈະ​ໄດ້​ຮັບ​ພະພອນ​ຢ່າງຫຼວງຫຼາຍ.

[ຄິດສະຕະຈັກ​ທີ່​ສໍາເລັດຕາມ​ຄໍາທໍານວາຍ​ຂອງ​ພະຄໍາ​ພີ​ທີ່ວ່າ
“ສ່ອງ​ແສງ​ສະ​ຫວ່າງ​ຂອງ​ເຢລູ​ຊາ​ເລັມ​ໄປ​ທົ່ວ​ໂລກ​”]

ເອຊາຢາ, ເຢເລມີຢາ ແລະ ເອເສກຽນ ໄດ້ສົ່ງຕໍ່ຄວາມສະຫວ່າງຂອງພະເຈົ້າ ພະເຢໂຮວາ
ໃນສະໄໝພະບິດາ ແລະ ອັກຄະທູດໂປໂລ, ເປໂຕ ແລະ ໂຢຮັນ ໄດ້ສົ່ງຕໍ່ຄວາມສະຫວ່າງ ແຫ່ງສະຫງ່າລາສີຂອງພະເຢຊູ ໃນສະໄໝພະບຸດ. ເຊັ່ນດຽວກັນ, ໃນສະໄໝພະວິນຍານບໍລິສຸດ, ບັນດາສະມາຊິກໃນຄິດສະຕະຈັກຂອງພະເຈົ້າໃນ 175 ປະເທດທົ່ວໂລກ ໄດ້ສົ່ງຕໍ່ຄວາມສະຫວ່າງ ແຫ່ງສະຫງ່າລາສີຂອງພະຄິດ ພະອັນຊັງໂຮງ ແລະ ພະມານດາແຫ່ງສະຫວັນ ເຢລູຊາເລັມ ຜູ້ທີ່ໄດ້ຊົງສະເດັດມາເປັນພະຜູ້ຊ່ວຍໃຫ້ພົ້ນ.

ເຢລູຊາເລັມ! ຈົ່ງລຸກຂຶ້ນສ່ອງແຈ້ງດັ່ງຕາເວັນ ພະຜູ້ເປັນເຈົ້າຈະໃຫ້ສະຫງ່າລາສີສ່ອງໃສ່ເຈົ້າ! ສ່ວນຊົນຊາດອື່ນໆນັ້ນມືດຈະປົກຄຸມພວກເຂົາ (ເພາະວ່າ ເບິ່ງເຖີດຄວາມມືດຈະປົກຄຸມ
ແຜ່ນດິນໂລກ ແລະ ຄວາມມືດທຶບຈະປົກຄຸມຊົນຊາດທັງຫຼາຍ, TH1971) ແຕ່ສໍາລັບເຈົ້າເອງ ແສງແຈ້ງຈະສ່ອງໃສ່ເຈົ້າ; ເປັນແສງແຈ້ງທີ່ມາຈາກພະຜູ້ເປັນເຈົ້າເນີ ຄືພະອົງຈະມາຢູ່ນໍາ
ດ້ວຍສະຫງ່າລາສີນັ້ນ. ແສງແຈ້ງຂອງເຈົ້າຈະນໍາບັນດາຊົນຊາດເຂົ້າມາ ກະສັດຈະເຂົ້າສູ່ແສງແຈ້ງ
ໃນມື້ໃໝ່ຂອງເຈົ້າ.
[ເອຊາຢາ 60:1-3]