ଫାସା ରେୟାଃ ଆଞ୍ଚୁ ମାନାତିଙ୍ଗେପେ

ଗନଙ୍ଗ୍‌ଗାନ୍ ଫାସା ଅକନାଃ ପାର୍‌ମେଶ୍ୱାର୍‌ ଆବୁୱାଃ ଦୁନୁଃ ନାଗେନ୍ତେ ବାଇୟାକାଦା, ଧାରାମ୍ ପୁଥିରେ ମେନାଃ

ଇସ୍ରାଏଲ୍‌କ ଚିମ୍‌ତା ମିସାର୍‌କ ବାଗେକେଦା, ପାର୍‌ମେଶ୍ୱାର୍‌ ସୋବେନେତେ ସିଦା ଆୟାଃ ପେଡ଼ଃଏ ଉଦୁବ୍‌କେଦା, ଅଡ଼ଃ ମୁସାଃ ଆଈଁନ୍ ହୋରାତେ ଫାସା ବିଷାଏତେ କାଜିକେଦା, ଅଡ଼ଃ ଏନାକେ ନେଡାକାନ୍ ନେଡାରେ ଆୟାର୍‌ତେ ହିଜୁଃ ପାରିୟାକ ଜାକେଦ୍ ଏନା ମାନାତିଙ୍ଗାଏ ଆଚୁକେଦା।
ଅଡ଼ଃ ପାସା ମାନାତିଙ୍ଗ୍‌କେଦ୍ ତାୟଁମ୍‌ତେ ପାର୍‌ମେଶ୍ୱାର୍‌ରାଃ ହଡ଼କ ମାଇଁନେୟାଁନା ଅଡ଼ଃ ଦୁକୁକଏତେ ଇନ୍‌କୁକ ଦୁଃଉୟାଁନା, ଅଡ଼ଃ ୟୀଶୁଅଗେ ଆୟାଃ ଚେଲାକଲଃତେ ଫାସାଏ ମାନାତିଙ୍ଗ୍‌କେଦା। ଏନାତେ ଇନ୍‌କୁ କା ଟୁଣ୍ଡୁଃ ଯୀଦାନ୍‌ରାଃ ଆଶିଷ୍‌କ ନାମାନା।

ପାର୍‌ମେଶ୍ୱାର୍‌ରାଃ କାଲିସିୟାରେନ୍ ହାଗାମିସିକ ପାର୍‌ମେଶ୍ୱାର୍‌ରାଃ ଦୁନୁରେୟାଃ କାମିକେ ଧାରାମ୍ ପୁଥିରେକ ଦାଣାଏତାନା

ଅଡ଼ଃ 325 ଈ. ରେ ଫାସା ଜିୟାଁନ୍ ଉତ୍ତାର୍‌ଲେନା, ଏନାମେନ୍ତେ ସୋବେନ୍ କାଲିସିୟାକ ମିୟାଁଦ୍ ମୁରୁତ୍‌ବଙ୍ଗା ଦେଓତାଃ ନେଗ୍‌କକ ମାନାତିଙ୍ଗେ ତାନା।
ମେନ୍ଦ, ପାର୍‌ମେଶ୍ୱାର୍‌ରାଃ କାଲିସିୟାରେନ୍ ହାଗାମିସିକ ଫାସାକେ ଗନଙ୍ଗ୍‌ଗାନ୍‌କ ଆଟ୍‌କାରେ ତାନା, ଏନାତେ ପାର୍‌ମେଶ୍ୱାର୍‌ ଖ୍ରୀଷ୍ଟ୍‌ ଆନ୍ ସାଙ୍ଗ୍ ହୋଙ୍ଗ୍ ଅଡ଼ଃ ଏଙ୍ଗା ପାର୍‌ମେଶ୍ୱାର୍‌ରାଃ ଇନିତୁ ହୋରାତେ, ଆକିନାଃ ହଡ଼କକେ ଆୟାର୍‌ତେ ହିଜୁଃ ଦିପିଲିରେନ୍‌କ ନାଙ୍ଗ୍ ମାନାତିଙ୍ଗେ ଅଡ଼ଃ ଏନା ସେସେନ୍‌କିନ୍ ଆଚୁକ ତାନା।

ଅଡ଼ଃ ରାଜା ପ୍ରାଭୁ ଆପେୟାଃ ପାର୍‌ମେଶ୍ୱାର୍‌ରାଃ ଫାସା ପାର୍ବ ନେ ନିୟାଁମ୍‌ ରେୟାଃ ପୁଥିରେ ଅଲାକାନ୍ ଲେକା ପାରାବେପେ ମେନ୍ତେ ସୋବେନ୍ ହଡ଼କଏ ଆଚୁକେଦ୍‌କଆ।
ଅଡ଼ଃ ଇନିଃ ଲେକା ଇନିଃଏତେ ସିଦାରେନ୍ ଜେତା ରାଜା ମୁସାଃ ଗୋଟା ଆଈନ୍‌ଲେକା ଆୟାଃ ଗୋଟା ମୋନ୍‌ତେ ଅଡ଼ଃ ଆୟାଃ ଗୋଟା ଯୀ’ତେ ଅଡ଼ଃ ଆୟାଃ ଗୋଟା ପେଡ଼େଃତେ ପ୍ରାଭଉତାଃତେ କାଏ ରୁୱାଡ଼୍‌ଲେନା ଅଡ଼ଃ ଇନିଃ ତାୟଁମ୍‌ତେୟ ଜେତାଏ କାଏ ତାଇକେନା।
2ରାଜା 23:21-25

ଅଡ଼ଃ ଇନିଃୟାଏ କାଜିୟାଦ୍‌କଆ, “ହାତୁରେନ୍‌ ଜା ହଡ଼ତାଃତେ ସେନଃପେ ଆଡଃ, ଆଇଁଙ୍ଗାଃ ଦିପ୍‌ଲି ସେଟେରାକାନା, ଆମାଃ ଅଡ଼ାଃରେ ଆଇଁଙ୍ଗାଃ ଚେଲାକଲଃ ଫାସା ପାର୍ବବାଇଁଙ୍ଗ୍ ମାନାତିଇଁଙ୍ଗା ମେନ୍ତେ ଗୁରୁଏ କାଜିୟାମ୍‌ତାନା ମେତାଇପେ।”
ଅଡ଼ଃ ଚେଲାକ ୟୀଶୁ ଆଚୁକେଦାଃକ ଏନ୍‌କାକେଦା ଅଡ଼ଃ ଫାସା ପାର୍ବ୍ କ ବାଇକେଦା।
ମାତି 26:18-19