To Sumar ia ka Hukum jong Ka Niam Ka Jinglait

Ka Jingkongsan jong Ka Niam Ka Jinglait Kaba U Blei u la Seng na ka bynta ka Jingpynim Jong Ngi ka Don ha ka Baibl

Haba ki Israel ki la mih noh na Ijipt, U Blei u la pynpaw nyngkong ia ka bor jong Ka Niam Ka Jinglait,
bad u la pynbna ia Ka Niam Ka Jinglait lyngba ka Hukum u Moses,
da kaba hukum ia ki ban rakhe ia ka ha ki pateng la pateng ha ka por ba la buh.
Hadien kata, ki briew U Blei ki la shah iaroh bad ki la ïoh iada na ki jingïapthem hadien ba ki la rakhe ia Ka Niam Ka Jinglait,
bad U Jisu ruh u la rakhe ia Ka Niam Ka Jinglait lem bad ki synran jong U, da kaba ai ia ki ia ka jingkyrkhu jong ka jingim bymjukut.

Ki Dkhot jong ka Balang U Blei ki Shem ia ka Jingpyniaid jong U Blei ia ka Jingpynim ha ka Baibl

Namar Ka Niam Ka Jinglait la pynduh noh ha u 325 HK,
baroh ki balang ki la sumar ia ki rukom jong u blei Jentil. 
Hynrei, ki dkhot jong ka Balang U Blei ki sngewthuh ia ka jingkongsan jong Ka Niam Ka Jinglait, kaba U Blei u la hukum ia ki briew jong U ban rakhe ha ki pateng la pateng,
lyngba ki jinghikai jong U Khrist Ahnsahnghong bad Ka Blei Ka Kmie, bad ki rakhe ia ka.

Te u syiem u la hukum ïa ki briew baroh u da ong, “To rakhe ïa Ka Niam Ka Jinglait ha U TRAI U Blei jong phi,
kat kumba la thoh ha kane Ka Kitab Ka Jutang.” . . . Te ha shuwa jong u,
ym shym la don syiem kum ma u, uba la phai sha U TRAI da ka dohnud baroh,
bad da la ka mynsiem baroh, bad da la ka bor baroh, katba kum ka hukum u Moses baroh;
lymne ym shym la mih hadien jong u uba kum ma u.
2 Syiem 23:21–25

U la ïathuh te, “To khie leit shapoh kato ka nongbah sha uta u briew, bad ong ha u,
‘U Nonghikai u ong, “Ka por jong nga ka la jan;
ngan rakhe ïa Ka Niam Ka Jinglait ha ïing jong me, lem bad ki synran jong nga.” ’ ”
Ki synran te ki la leh kumba U Jisu u la batai ïa ki; bad ki la ïakhreh ïa kata Ka Niam Ka Jinglait.
Mathaïos 26:18–19