Tauhi ʻa e Fekau ʻo e Pāsova

Ko e Mahuʻinga ʻo e Pāsova Naʻe Fokotuʻu ʻe he ʻOtua maʻa Hotau Fakamoʻui՛ ʻoku ʻi he Tohitapu

ʻI he taimi naʻe mavahe ai ʻa e kau ʻIsileli mei ʻIsipite, naʻe
ʻuluaki fakahā ʻe he ʻOtua ʻa e mālohi ʻo e Pāsova, pea
fanongonongo ʻa e Pāsova ʻo fakafou ʻi he Lao ʻa Mōsese,
ʻo fekauʻi kinautolu ke tauhi ia ki he ngaahi toʻu tangata
ka hoko mai ʻi he taimi naʻe fokotuʻu. Kimui ai, naʻe
fakahikihikiʻi mo maluʻi ʻa e kakai ʻa e ʻOtua mei he
ngaahi fakatamaki hili hono tauhi ʻa e Pāsova, pea
naʻe tauhi foki ʻe Sīsū ʻa e Pāsova mo ʻEne kau ākonga,
ʻo foaki kiate kinautolu ʻa e tāpuaki ʻo e moʻui taʻengata.

Ko e kau memipa ʻo e siasi ʻo e ʻOtua 'oku nau ʻilo'i a e mafimafi ʻa e ʻOtua ki he fakamoʻui ʻi he Tohitapu. 

Koeʻuhi naʻe fakapuliki ʻa e Pasova ʻi he AD 325, kuo tauhi
ʻe he ngaahi siasi kotoa ʻa e ngaahi anga fakafonua ʻa ha
ʻotua tamapua. Neongo ia, ʻoku ʻiloʻi ʻe he kāingalotu ʻo e
Siasi ʻo e ʻOtua ʻa hono mahuʻinga ʻo e Pasova, ʻa ia naʻe
fekauʻi ʻe he ʻOtua hono kakai ke nau fakamanatu ki he
ngaahi toʻu tangata ka hoko mai, fakafou ʻi he ngaahi
akonaki ʻa Kalaisi Ahnsahnghong mo e ʻOtua ko e Faʻee՛,
pea tauhi ia.

Pea fai tu‘utu‘uni ‘a e tu‘i ki he kakai kotoa, ‘o pehē, Mou fai
‘a e Pāsova kia Sihova ko homou ‘Otua, ‘o hangē ko e me‘a
kuo tohi ‘i he Puka ‘o e Kovinānite ni. . . .
‘Io, na‘e ‘ikai ha tu‘i mu‘a na‘e tatau mo ia, ‘a ia na‘e tafoki
kia Sihova ‘aki ‘a e kotoa ‘o hono loto, mo e kotoa ‘o hono
laumālie, mo e kotoa ‘o hono ivi, ‘o tatau pau mo e Lao ‘a
Mōsese pea na‘e ‘ikai ke hoko ha taha ‘i mui hangē ko ia.
2 Tuʻi 23:21–25

Pea ne pehē, Mole ki he kolo kia Me‘a, pea lea ki ai, ‘Oku pehē
‘e he Tangata‘eiki, ‘oku ofi hoku taimi, ka u fai ‘i ho fale ‘a e Pāsova
mo ‘eku kau ako.
Pea na‘e fai ‘e he kau ako, ‘o hangē ko e tu‘utu‘uni kinaua
‘e Sīsū, ‘o na teuteu ‘a e Pāsova.
Mātiu 26:18–19