ການສໍາເລັດການສ້າງພະວິຫານເຢລູຊາເລັມ ແລະ ເທດສະການປຸກຕູບຢູ່

[ໂມເຊໄດ້ສົ່ງຕໍ່ພະປະສົງຂອງພະເຈົ້າໃຫ້ແກ່ປະຊາຊົນວ່າ “ຈົ່ງສ້າງພະວິຫານຂອງພະເຈົ້າ”]

ພະເຈົ້າໄດ້ຊົງຕັ້ງໃຫ້ມື້ທີ່ໂມເຊລົງມາຈາກພູ ພ້ອມຄໍາສັ່ງສິບຂໍ້ເທື່ອທີສອງ
ເປັນເທດສະການມື້ລຶບລ້າງບາບໃຫຍ່ ແລະ ເທດສະການປຸກຕູບຢູ່ ເປັນເທດສະການທີ່ປະຊາຊົນອິດສະລາເອນ ໄດ້ສ້າງຫໍເຕັນ ເພື່ອເກັບຮັກສາຫີນແຜ່ນຫີນທີ່ຈາລຶກຄໍາສັ່ງສິບຂໍ້ຂອງພະເຈົ້າ.
ດັ່ງທີ່ໄດ້ເຫັນເມື່ອ 3,500 ປີກ່ອນ, ສິ່ງທີ່ສໍາຄັນທີ່ສຸດຂອງການສ້າງພະວິຫານຂອງພະເຈົ້າ ແມ່ນການມີຈິດໃຈທີ່ເຫຼື້ອມໃສສັດທາໃນການເຂົ້າຮ່ວມ ແລະ ເຕັມໃຈທີ່ຈະມີສ່ວນຮ່ວມ.
ຜູ້ຄົນເຫຼົ່ານີ້ໄດ້ຖວາຍວັດສະດຸຢ່າງຫຼວງຫຼາຍ ເພື່ອການສ້າງພະວິຫານ.

[ສະມາຊິກຄິດສະຕະຈັກຂອງພະເຈົ້າ ແມ່ນວັດສະດຸ
ທີ່ພະເຈົ້າຊົງປາຖະໜາໃນສະໄໝນີ້ ເພື່ອສ້າງພະວິຫານເຢລູຊາເລັມ.]

ປະຈຸບັນນີ້, ທັງທົ່ວໂລກກໍາລັງຫຼັ່ງໄຫຼມາຫາ ພະຄິດ ພະອັນຊັງໂຮງ ແລະ ພະມານດາແຫ່ງສະຫວັນ ເຢລູຊາເລັມ ເພາະວ່າ ປະຊາຊົນຂອງພະເຈົ້າຖືກສັນຍາລັກເປັນວັດສະດຸຕ່າງໆ ທີ່ປະກອບກັນເປັນ ພະວິຫານເຢລູຊາເລັມ. ມີຄໍາທໍານວາຍວ່າ ດັ່ງທີ່ງ່າໄມ້ຕ່າງໆຖືກຮວບຮວມໄວ້ສໍາລັບເທດສະການປຸກຕູບຢູ່ ໃນພັນທະສັນຍາເດີມ, ປະຊາຊົນຂອງພະເຈົ້າຈະມາຮວມກັນເປັນຕົ້ນໄມ້ປະເພດຕ່າງໆ ທີ່ກຸງເຢລູຊາເລັມ.

ແລະ ທຸກຄົນທີ່ມີໃຈເຫຼື້ອມໃສສັດທາ (ແລະ ສະໝັກໃຈ, TH1971)
ກໍໄດ້ນໍາຂອງມາຖວາຍແກ່ພະຜູ້ເປັນເຈົ້າ ເພື່ອນໍາໄປສ້າງຫໍເຕັນບ່ອນພະອົງສະຖິດຢູ່. ພວກເຂົາໄດ້ນໍາທຸກສິ່ງທີ່ຈໍາເປັນໃຊ້ໃນການນະມັດສະການ ແລະ ໃນການເຮັດເຄື່ອງນຸ່ງປະຈໍາຕໍາແໜ່ງຂອງປະໂລຫິດ ມາຖວາຍແກ່ພະຜູ້ເປັນເຈົ້າ.
ທຸກຄົນທີ່ເຕັມໃຈໃຫ້ ທັງຍິງ ແລະ ຊາຍ...
[ອົບພະຍົບ 35:21-22]

ພວກທ່ານໄດ້ຖືກສ້າງຂຶ້ນເທິງພື້ນຖານ ວາງລົງໂດຍພວກອັກຄະທູດ
ແລະ ພວກຜູ້ປະກາດພະຄໍາຮ່ວມກັບພະເຢຊູຄິດນັ້ນເອງ ຄືຫີນເສົາເອກ.
ແມ່ນພະອົງນັ້ນແຫຼະ ທີ່ຄໍ້າຊູຕົວຕຶກທັງໝົດເຂົ້າກັນ ແລະ ເຮັດໃຫ້ຈະເລີນຂຶ້ນ
ເພື່ອປະກອບເປັນພະວິຫານອັນສັກສິດຖວາຍແກ່ພະຜູ້ເປັນເຈົ້າ.
ໃນການຮ່ວມເຂົ້າກັບພະອົງນັ້ນ ພວກທ່ານກໍຄືກັນໄດ້ຖືກສ້້າງຂຶ້ນຮ່ວມກັບຄົນອື່ນໆທັງໝົດ
ໃຫ້ເປັນບ່ອນທີ່ພະເຈົ້າສະຖິດຢູ່ໂດຍພະວິນຍານຂອງພະອົງ.
[ເອເຟໂຊ 2:20-22]