ୟୀରୁଶାଲେମ୍ ମାନ୍ଦିର୍ ବାଇପୁରାଃଅ ଅଡ଼ଃ ଜାମ୍ବାଡ଼ା ପାର୍ବ

ମୁସାଃ ହୋରାତେ ହଡ଼କକେ ଅମାକାନ୍ ପାର୍‌ମେଶ୍ୱାର୍‌ରାଃ ସାନାଙ୍ଗ୍,
“ପାର୍‌ମେଶ୍ୱାର୍‌ରାଃ ମାନ୍ଦିର୍ ବାବାଇତାନାଃ”

ପାର୍‌ମେଶ୍ୱାର୍‌ ଏନ୍‌ହୁଲାଙ୍ଗ୍‌କେ ଅକହୁଲା ମୁସା ଅଡ଼ଃମିସା ଏଟାଃ ଗେଲେୟା ଆଞ୍ଚୁରାଃ ଅନଲ୍‌ ଦିରି ଲାଥାରାଏ ଆଡ଼୍‌ଗୁକେଦା ହିୟାତିଙ୍ଗ୍‌ ହୁଲାଙ୍ଗ୍‌ ଲେକାତେ ଇଟିଙ୍ଗାକାଦା, ଅଡ଼ଃ ଜାମ୍ବାଡ଼ା ପାର୍ବ ଏନ୍ ନେଗ୍‌ ତାଇକେନା ଅକନାଃ ହୋରାତେ ଇସ୍ରାଲ୍‌କ ଗେଲେୟା ଆଞ୍ଚୁରାଃ ସିଲାଟ୍ ଦିରି ଜାଗାୱେନାଙ୍ଗ୍ ତାମ୍ବୁକ ବାଇଲାଃ।
ଚିଲ୍‌କା 3,500 ସିର୍‌ମା ସିଦା ନେଲ୍ ଧାଳିୟଃତାନା, ପାର୍‌ମେଶ୍ୱାର୍‌ରାଃ ମାନ୍ଦିର୍ ବାବାଇରାଃ ସୋବେନାଃଏତେ ଗନଙ୍ଗ୍‌ଗାନ୍ ଚିହ୍ନାରେ ଏନ୍‌ହଡ଼କକଗେ ହାନାଟିଙ୍ଗ୍‌କ ନାମ୍ ଧାଳିୟା ଅକନ୍‌କୱାଃ ମୋନ୍ ଉସ୍କୁରାକାନା ଅଡ଼ଃ ଏନାରେ ହାନାଟିଙ୍ଗ୍‌ ନାମେନାଙ୍ଗ୍ ସାନାଙ୍ଗ୍‌କ ତାୟୁଃତାନା।
ଏନ୍‌ଲେକାନ୍ ହଡ଼କ ମାନ୍ଦିର୍ ବାଇଏ ନାଗେନ୍ତେ ପୁରାଃ ଏନେମ୍‌ ଦାଣେକ ରାକାବ୍‌କେଦା।

ପାର୍‌ମେଶ୍ୱାର୍‌ରାଃ କାଲିସିୟାରେନ୍ ହାଗାମିସିକ ନେ ଦିପିଲିରେ ପାର୍‌ମେଶ୍ୱାର୍‌ରାଏ ସାନାଙ୍ଗ୍‌ତାନ୍ ୟୀରୁଶାଲେମ୍ ମାନ୍ଦିର୍ ବାୟୁଃ ବାସାନ୍‌ ତାନ୍‌କ

ତିସିଙ୍ଗ୍, ଗୋଟା ଦିଶୁମ୍ ଖ୍ରୀଷ୍ଟ୍‌ ଆନ୍ ସାଙ୍ଗ୍ ହୋଙ୍ଗ୍ ଅଡ଼ଃ ସିର୍ମାରେନ୍ ଏଙ୍ଗା ୟୀରୁଶାଲେମ୍‌ତାଃକ ହିଜୁଃତାଃନା ଚିୟାଃଚି ପାର୍‌ମେଶ୍ୱାର୍‌ରାଃ ହଡ଼କ ୟୀରୁଶାଲେମ୍ ମାନ୍ଦିର୍ ବାୟୁ ଏଟାଃ ଏଟାଃ ଜିନିଷ୍‌କ ଲେକାତେକ କାଜିୟଃତାନା।
ଚିଲ୍‌କା ମିୟାଁଦ୍ ଆୟାର୍‌କାଜି ମେନାଃ, ପୁର୍ଣ୍ଣା ନିୟାଁମ୍‌ରେ ଜାମ୍ବାଡ଼ା ପାର୍ବ ନାଗେନ୍ତେ ରାକାମ୍ ଲେକାନ୍ କତକକ ଆଉ ହୁଣ୍ଡିଲାଃ, ଏନ୍‌ଲେକାଗେ ପାର୍‌ମେଶ୍ୱାର୍‌ରାଃ ହଡ଼କ ରାକାମ୍ ଲେକାନ୍ ଦାରୁକଲେକାତେ ୟୀରୁଶାଲେମ୍‌ରେକ ତାଇନା।

ଅଡ଼ଃ ସୋବେନ୍ ଆକୱାଃ ମୋନ୍‌ତେ ଉସ୍କୁରାକାନ୍‌କ ଅଡ଼ଃ ଆକୱାଃ ମୋନ୍‌ତେ ସୁକୁୟାନ୍‌କ ହିଜୁଃଲେନ୍ତେ ପ୍ରାଭୁୱାଃ ନାଗେନ୍ତେ ନାପାମ୍ ତାମ୍ବୁ ବାଇଏ ନାଗେନ୍ତେ ଅଡ଼ଃ ଏନାରେୟାଃ ସୋବେନ୍ କାମି ଅଡ଼ଃ ପାବିତ୍ର ଲିଜ୍ଜାଃ ନାଗେନ୍ତେ ପ୍ରାଭୁୱାଃ ଦାଣେକ ଆଉଲେଦା।
ଅଡଃ ଆକୱାଃ ମୋନ୍‌ତେ ସୁକୁୟାଁନ୍ କଡ଼ା କୁଡ଼ିକ ହିଜୁଃଲେନ୍ତେ,…
ମୁସାଃଏଟାଃ ପୁଥି 35:21-22

ଆପେ ପ୍ରେରିତ୍‌କୱାଃ ଆର୍ ଆୟାର୍‌କାଜିକୱାଃ ନେଓରେପେ ମାଣ୍ଡାଅୱାକାନା, ଏନାରେୟାଃ କଚାଦିରି ୟୀଶୁ ଖ୍ରୀଷ୍ଟ୍‌ ଆଏଗେ ତାନିଃ।
ଇନିଃରେ ଗୋଟା ବାଇୟାକାନାଃ ବାଇଜଡ଼େନାକାନ୍ତେ ପ୍ରାଭୁରେ ପାବିତ୍ର ମାନ୍ଦିର୍ ହାରା ଇଦିୟଃତାନା,
ଇନିଃରେ ଆପେୟ ଆତ୍ମାଃ ହୋରାତେ ପାର୍‌ମେଶ୍ୱାର୍‌ରାଃ ଅଡ଼ାଃ ହବାଃଅ ନାଗେନ୍ତେପେ ବାଇମିଦଃତାନା।
ଇଫିସିରେନ୍‌କ 2:20-22