Ang Pagkompleto sa Templo sa Jerusalem ug ang Kasaulogan sa mga Balongbalong

Ang Kabubut-on sa Dios nga Gihatag ni Moises ngadto sa Katawhan, “Pagtukod sa Templo sa Dios”

Gitakda sa Dios ang adlaw nga nanaog si Moises uban ang ikaduhang hugpong sa Napulo ka Sugo ingong Adlaw sa Pagpapas sa Sala, ug ang Kasaulogan sa mga Balongbalong mao ang Kasaulogan diin ang mga Israelita nagtukod sa tabernakulo aron ibutang ang mga papan nga bato sa Napulo ka Sugo.
Sama sa nakita 3,500 ka tuig na ang milabay, ang labing importante nga aspeto sa pagtukod sa templo sa Dios mao ang pagbaton og kasingkasing nga natandog sa pag-apil ug gusto nga moapil.
Ang maong mga tawo naghalad ug daghang materyales alang sa pagtukod sa templo.

Ang mga Miyembro sa Church of God Mao ang mga Materyales nga Gitinguha sa Dios Niini nga Panahon alang sa Templo sa Jerusalem

Karon, ang tibuok kalibotan nagpanon ngadto kang Cristo Ahnsahnghong ug sa Langitnong Inahang Jerusalem tungod kay ang katawhan sa Dios gisimbolohan sa nagkalain-laing mga materyales nga naglangkob sa Templo sa Jerusalem.
Adunay usa ka propesiya nga, sama sa nagkalainlaing mga sanga nga gitigom alang sa Kasaulogan sa mga Balongbalong sa Daang Kasabotan, ang katawhan sa Dios magtigom ingong lainlaing matang sa mga kahoy ngadto sa Jerusalem.

Ang tanan nga nadasig sa paghalad naghalad ngadto sa GINOO aron gamiton paghimo sa Tolda nga Tagboanan. Gihalad nila ang tanang mga butang nga gikinahanglan alang sa mga serbisyo ug alang sa paghimo sa sagradong bisti.
Ang tanan nga andam, lalaki ug babaye, nangabot . . .
Exodus 35:21–22

Gitukod kamo diha sa sukaranan nga gipahimutang sa mga apostoles ug sa mga propeta, ug ang bato nga gisukaran mao si Cristo Jesus.
Diha kaniya gitukod ang tibuok balay hangtod nga mahimo kining balaang templo sa Ginoo.
Uban sa tanang magtutuo, kamo usab nahiusa ngadto kaniya diin nagpuyo ang Dios pinaagi sa iyang Espiritu.
Ephesians 2:20–22