Ang Bag-ong Kasabotan nga Gikulit sa Atong mga Kalag

Mahitungod sa Homing Instinct sa Salmon ug Salampati & Langitnong Puloy-anan sa Katawhan

Sama sa salmon ug mga salampati nga makabalik sa ilang yutang natawhan bisan unsa pa ka layo, ang Dios miingon, “Ibutang Ko ang Akong balaod sa ilang mga kasingkasing,” ug gibutang ang balaod sa bag-ong kasabotan sulod sa mga kasingkasing sa katawhan aron sila makabalik. ngadto sa ilang walay kataposan nga langitnong puloy-anan.

Ang mga Miyembro sa Church of God Nagtuman sa Balaod sa Dios—ang Adlawng Igpapahulay ug ang Pagsaylo sa Bag-ong Kasabotan

Duha ka libo ka tuig milabay, gipugas ni Jesus ang maayong mga binhi [ang Adlawng Igpapahulay ug ang Pagsaylo] aron ihatag sa katawhan ang gingharian sa langit.
Apan, ang maayong mga binhi sa ulahi nawala ug gipulihan sa mga sagbot, nga mao, ang mga balaod sa mga tawo nga gipugas sa kaaway, ang yawa.
Bisan pa niini, ang mga anak sa Dios dili gayod makalimot sa bag-ong kasabotan nga nakulit sa ilang mga kalag apan makaamgo niini uban sa ilang kasingkasing, ug miduol kang Cristo Ahnsahnghong ug sa Dios nga Inahan, nga nagtultol kanila ngadto sa gingharian sa langit, ang yutang natawhan sa ilang mga kalag.

Nag-ingon ang GINOO, “Taliabot ang panahon nga maghimo akog bag-ong kasabotan uban sa katawhan sa Israel ug sa Juda.
Inig-abot niadtong panahona, mao kini ang kasabotan nga himoon ko uban sa katawhan sa Israel: ibutang ko ang akong sugo sa ilang kaisipan ug isulat ko sa ilang kasingkasing. Ug mahimo ako nga ilang Dios ug sila akong katawhan. Ako, ang GINOO, ang nagsulti niini.
Jeremiah 31:31–33