បុណ្យបារាំ និង រន្ធនៃទឹកជីវិត

[ទឹក​ជីវិត​ដែល​ព្រះ​ប្រទាន​មកនៅបុណ្យបារាំ ​គឺ​ជា​ព្រះបន្ទូល​របស់​ព្រះ]

អ័ដាមនិងអេវ៉ាបានស្លាប់ដោយសារបរិភោគផ្លែដឹងខុសត្រូវចោរខាងស្តាំនៅលើឈើឆ្កាងបានទទួលសង្គ្រោះមនុស្សខ្វាក់ទាំង២នាក់បានមើលឃើញវិញស្ត្រីដែលឈឺធ្លាក់ឈាមអស់១២ឆ្នាំបានជាសះស្បើយហើយព្រះបានប្រទានសេចក្តីសន្យាថា អ្នកណាដែលបរិភោគសាច់និងឈាមរបស់ព្រះយេស៊ូវ តាមរយៈការបរិភោគនំបុ័ងនិងស្រាទំពាំងបាយជូរនៃបុណ្យរំលង នឹងទទួលបានអំណោយនៃជីវិតអស់កល្ប។ទាំងអស់នេះ គឺជាព្រះចេស្តាដែលចេញពីព្រះបន្ទូលរបស់ព្រះ។

[ដើម្បីទទួលបានព្រះវិញ្ញាណបរិសុទ្ធនៃភ្លៀងចុងរដូវ យើងត្រូវស្គាល់ព្រះវិញ្ញាណ និងប្រពន្ធថ្មោងថ្មី ដែលប្រទានទឹកជីវិតដល់យើង]

នៅជំនាន់ព្រះរាជបុត្រា ​ព្រះយេស៊ូវ​តែ​មួយ​អង្គ ​ទ្រង់​បាន​ប្រទាន​ទឹក​ជីវិត​ដល់​អស់​អ្នក​ដែល​មក​ឯ​ទ្រង់​នៅថ្ងៃក្រោយបង្អស់នៃបុណ្យបារាំ។ប៉ុន្តែនៅជំនាន់ព្រះវិញ្ញាណបរិសុទ្ធ អស់អ្នកដែលមកឯព្រះអាន់សាំងហុងនិងព្រះមាតា ដែលបានយាងមកជាព្រះវិញ្ញាណ និងជាប្រពន្ធថ្មោងថ្មីនឹងទទួលបានទឹកជីវិត ជាព្រះវិញ្ញាណបរិសុទ្ធ​ដែល​អាច​សម្រេច​គ្រប់​ការ​ទាំង​អស់​ដោយ​អំណាច​នៃ​ព្រះបន្ទូល​​ព្រះ។

នៅថ្ងៃក្រោយបង្អស់ ជាថ្ងៃបុណ្យយ៉ាងសំខាន់ នោះព្រះ‌យេស៊ូវទ្រង់ឈរបន្លឺឧទានប្រកាសឡើងថា បើអ្នកណាស្រេក ចូរឱ្យអ្នកនោះមកឯខ្ញុំ ហើយផឹកចុះ អ្នកណាដែលជឿដល់ខ្ញុំ នោះនឹងមានទន្លេទឹករស់ហូរចេញពីពោះខ្លួនមក ដូចជាគម្ពីរសំដែងហើយ តែសេចក្ដីនេះ គឺទ្រង់មានបន្ទូលពីព្រះ‌វិញ្ញាណ ដែលអស់អ្នកជឿដល់ទ្រង់នឹងត្រូវទទួល
[យ៉ូហាន ៧:៣៧-៣៩]

ព្រះ‌វិញ្ញាណ នឹងប្រពន្ធថ្មោង‌ថ្មីពោលថា អញ្ជើញមក ហើយអ្នកណាដែលឮ ក៏ថា អញ្ជើញមកដែរ អ្នកណាដែលស្រេក នោះមានតែមក ហើយអ្នកណាដែលចង់បាន មានតែយកទឹកជីវិតនោះចុះ ឥតចេញថ្លៃទេ
[វិវរណៈ ២២:១៧]