Ang Kasaulogan sa mga Balongbalong ug ang Tuburan sa Tubig sa Kinabuhi

Ang Tubig sa Kinabuhi nga Gihatag sa Kasaulogan sa mga Balongbalong mao ang Pulong sa Dios

Atong makita ang gahum sa pulong sa Dios sa dihang si Adan ug Eva namatay pinaagi sa pagkaon gikan sa kahoy sa kahibalo sa maayo ug dautan; ang tulisan sa tuo nga bahin sa krus naluwas; ang duha ka buta nangaayo; ang babaye nga gaantos sa pagdugo sulod sa dose ka tuig naayo; ug pinaagi sa kamatuoran nga bisan kinsa nga mokaon sa unod ni Jesus ug moinom sa Iyang dugo pinaagi sa pag-apil sa pan ug bino sa Pagsaylo makadawat sa gasa sa kinabuhing dayon.

Aron Makadawat sa Balaang Espiritu sa Ulahing Ulan, Kinahanglan Natong Mahibaloan ang Espiritu ug ang Pangasaw-onon Nga Maoy Naghatag Kanato sa Tubig sa Kinabuhi

Sa panahon sa Anak, si Jesus lamang ang naghatag sa tubig sa kinabuhi niadtong miduol Kaniya sa Katapusan adlaw ug Labing importante sa Kasaulogan sa mga Balongbalong.
Sa panahon sa Espiritu Santo, kadtong moduol kang Kristo Ahnsahnghong ug sa Dios Inahan, nga mianhi isip Espiritu ug Pangasaw-onon, makadawat sa tubig sa kinabuhi, nga mao ang Espiritu Santo. Sila mao ang makahimo sa tanang butang pinaagi sa gahum sa pulong sa Dios.

Ang kataposang adlaw sa kasaulogan mao ang labing importante Sa maong adlaw mibarog si Jesus ug miingon sa kusog nga tingog, “Paduola kanako ang giuhaw ug paimnon ko siya. Bisan kinsa nga motuo kanako modagayday gikan sa iyang kasingkasing, sama sa mga sapa, ang tubig nga naghatag ug kinabuhi, sumala sa giingon sa kasulatan.” Dinhi ang Iyang gipasabot mao ang Espiritu, nga sa kaulahian madawat sa mga mituo kaniya.
Juan 7:37–39

Ang Espiritu ug ang Pangasaw-onon miingon, “Dali ngari!” Ug ang tanang nakadungog paingna usab, “Dali ngari!” Duol kamong giuhaw ug kadtong may gusto, inom sa walay bayad nga tubig nga naghatag sa kinabuhi.
Gipadayag 22:17