Ka Jingkhawai Niam ki Ïingtrep & ka Pukri jong ka Um ka Jingim

Ka Um ka Jingim Ba La Ai ha Ka Jingkhawai Niam ki Ïingtrep ka dei ka Ktien U Blei

Ngi lah ban iohi ia ka bor jong ka ktien U Blei haba U Adam bad Ka Im ki iap noh da kaba bam na u dieng ka jingtip ia kaba bha bad ia kaba sniew; u nongkam sniew ha ka liang kamon jong ka diengphna u la laitim; arngut kiba matlah ki la ioh khiah; ka briew kaba pang mihsnam khadar snem ka la koit; bad lyngba ka jingshisha ba uno uno uba bam ia ka doh U Jisu bad ba dih ia ka snam jong U da kaba iashim bynta ha u kpu bad ka wain ka Jinglait kin ioh ka jingai jong ka jingim bymjukut.

Ban Iohpdiang U Mynsiem Bakhuid jong U Lapbah Bakhadduh, Ngi Dei Ban Ithuh ia U Mynsiem bad Ka Nongleit Kurim Kiba Ai Ia Ngi ka Um ka Jingim

Ha ka їa jong U Khun, tang U Jisu u ai ka um ka jingim ha kita kiba la wan sha U ha ka Sngi Bakhraw bad Bakhadduh jong Ka Jingkhawai Niam ki Ïingtrep.
Ha ka їa jong U Mynsiem Bakhuid, kita kiba wan sha U Khrist Ahnsahnghong bad Ka Blei Ka Kmie, kiba la wan kum U Mynsiem bad Ka Nongleit kurim, kin iohpdiang ia ka um ka jingim, kata ka long U Mynsiem Bakhuid. Ki long kita kiba lah ban pyndep baroh da ka bor jong ka ktien U Blei.

Te ha ka sngi kaba khadduh, ka sngi kaba khraw jong ka jingkhawai niam, U Jisu u la ieng, bad u la pyrta u da ong, “Lada uno uno ruh u sngewsliang, ai ba un wan ha nga ba un dih ruh: jar uba ngeit ha nga, kumba la ong ka jingthoh, ki wah um baim kin iatuid noh na ka dohnud jong u.” (Hynrei ia kane u la kren shaphang U Mynsiem ia uba kita kiba ngeit ha u kin sa pdiang . . .)
Ioannis 7:37–39

Te U Mynsiem bad kata ka nongleit kurim ki iaong, “To wan.” Bad uta uba iohsngew to un ong, “To wan.” Bad jar uba sliang, to ai un wan: bad jar uba mon, to un shim ei ia ka um ka jingim.
Ka Jingpynpaw 22:17