Ka Sngi ka Jingbishar & Ka Sngi ka Jingpynim

La Kan Long Ka Sngi ka Jingpynim ne ka Sngi ka Jingbishar ka Shong ha ki Jingleh Jong Ngi Hadien Ba Ngi La Iohsngew ia Ka Ktien U Blei

U Blei u la ai ia ki briew baroh ka por ban kylla na ki pop jong ki kaba ki la leh ha Bneng kumjuh ruh ka lad ban ngeit ha U Khrist Ahnsahnghong bad Ka Blei Ka Kmie kiba la wan ha ka doh. Hadien kata, katba kum ki jingleh u briew, U Blei un pyniakhlad ia kita kiban leit sha Bneng bad ia kita kiban sa shah bishar.

Ka Rukom Jong ka Jingngeit ia ki Dkhot Jong ka Balang U Blei: “To Ngin Leh ia Kata Kaba U Blei u Sngewbha.”

Napdeng kita kiban sa shah bishar, ki don ki briew kum U Judas Iskariot uba la die noh ia U Jisu lyngba ki jingbishar bakla jong u, bad ki nongiathuhlypa balamler kum U Balaam uba la ialam ia ki briew U Blei sha ka jingmane bleithaw da ka jinghikai bymman jong u, bad kumjuh ruh ki briew kiba la pynjot ia ka jingshisha U Blei bad kiba la mane ia u blei sngi lyngba ki niam ki rukom kum ka jingiaseng Sngi U Blei bad ka Khristmas kumba U Syiem Ahab bad Ka Jesebel ki la shim ia ka brisoh U Naboth.

“Ha khmih, ki dei kine, da ka buit U Balaam, kiba la pynwan ia ki khun Israel ia kaban leh palat ia U Trai shaphang U Peor, bad ba la don ka jingiapthem hapdeng u paidlang jong U Trai.”
Ki Jingkhein 31:16

“Hynrei nga don khyndiat kiei kiei ruh pyrshah ia pha, naba pha don hangta kiba bat ia kata ka jinghikai U Balaam, uba la hikai ia U Balak ban buh ia ka jingjynthut ha khmat kita ki khun Israel, ban bam ia kiei kiei ruh ba la kñia ia ki bleithhaw, bad ban klim sih.”
Ka Jingpynpaw 2:14