Ki Kmie Ki Kpa Bahabneng bad ki Khun

Balei Ka Long Kaba Kongsan ia Ngi Ba ia U Isaak la Jied kum U Nongioh Pateng U Abraham?

Ha ka longïing U Abraham, lymne U Elieser lymne U Ishmael u la ioh ia ka jinghiarpateng.
U Isaak, uba khadduh eh, u la ioh ka jinghiarpateng lyngba u kpa bad ka kmie kiba laitluid.
Kane ka dei ka jinghikai ba U Blei u ai ia u bynriew. Wat mynta ruh, haba ngi long
ki khun jong U Kpa Ahnsahnghong bad Ka Blei Ka Kmie lyngba ka jutang bathymmai,
ngin lah ban long ki lyngdoh bakynja syiem ha bneng kum ki nongioh pateng U Blei.

Ka Daw ba Ngi Dei Ban Long Ki Khun U Blei Kiba Khot ia U Blei “Ko Pa bad ko Mei”

Haba U Jisu u la ong, “Mem ioh bynta satia lem bad Nga,” U Petros u la sngew kyndit
namar tang kita kiba don bynta bad U Blei ki lah ban laitim bad leit sha ka hima ki bneng.
Dei namarkata ki dkhot jong ka Balang U Blei ki aiti la ka dohnud baroh ban ialap
ia U Blei U Kpa bad Ka Blei Ka Kmie sha ka pyrthei baroh bad pynshai ia ki
ba ka jingiadei hapdeng U Blei bad u bynriew ka dei ka jingiadei jong Ki Kmie Ki Kpa bad ki khun.

Hynrei kata ka Jerusalem kaba haneng ka long kaba laitluid, kaba long ka kmie jong ngi kein.
Sha Ki Galatia 4:26

“Ngan long U Kpa ia phi, ma phi ruh phin long ki khun shynrang bad ki khun kynthei ia nga,
ong U Trai uba don bor baroh.”
2 Sha Ki Nong Korinth 6:18