Melkisedek Ochai Bosongni tei a Ochai Bokhorok

Jisu Khristo Wng Kha Swmai Kwtalni
Yapharmungno Melkisedek Ochai Bosongni
bising tẃi khe Yapharnai a Ochai Bokhorok

Jısu Melkisedek ochai bosongni mol
brúm brúmni ochai bokhorok wngmani
karon wng kha, o molo bo haino, Ochai
Bó wngwi khlaina nangmani
swmai kwtalni Yókma Ter tongo.
Melkisedek Swmai Kwchamni jora-o
Abrahamno auang tei angur bwtwi bai khe
hamari rwma haino, Jisu bororokno thwi
phlai ya langmani hamari auang tei angur
bwtwini bising tẃi rw kha.

Kaitorni Mothani Adongrok, Melkisedek
Bosongni Ochai Wngwi Phainai, Khristo
Ahnsahnghongni Lama-o Rwktharo

Jisu hai kheno, a Tei Uáisa Phainai Khristo
Ahnsahnghong bo Melkisedek ochai
bosongni Ochai Bokhorokni samungno
khlai phai kha, swmai kwtal Yókma Terni
auang tei angur bwtwini bising tẃi khe
thwi phlai ya langmani hamari rwui.
O molo, swmai kwtalni Melkisedekni
ochai bosongno rwkthar nai rok simi
se, swmai kwchamni Aronni ochai
bosong ya, Kaitorni swmaino mannai
swmaini bwsa wngwi mannai.

Kaitor rwna hwnwi kók rwmano mannairokni
thani bo khlaina hwnmani abo phér ya
hwnwi Kaitor pháng pháng khe saui man
rwna nai-o; abo bai’-no bo kók
rw thani swmaibo tango. . . .
Jisu chini wngwi chini slái swkang aro habwi kha.
Melkisedekni ochai bosongo bo mol
brúm brúmni ochai bokhorok wng phai kha.
Hibru 6:17-20

Bisingni a kók khe omo hai: Kothoma
Kahamni bising tẃi Kaitor rwna hwnwi kók
rwmarokno buini bororok Judairok bai baksa mannai;
bórok bwsak kaisani yakung yak, phiya Khristo
Jisu tẃi Kaitor rwna hwnwi kók
rwmani arobo bórok khopjak kha.
Epis 3:6