Buj Thummani Sal 1

Uáisa Phano Khna Ya tei Uanamachingsa Birmanrok Kwbángmano kaisa Karonni bagwi Wngwi Tongo

Kaitor swkangni simino páithakni kόkno saui manno. Swngchar gwnangwi dera rwmani uanamasingcha birmanni tei nokbar bai gwdal ya virusni bising tẃi, dakti khe phaina nai tongmani Buj Tummani Salni swkang Kaitor Bini bwsarokno socha kha. tabukno chini muktrwi thángmani aroni sichanani tei poitoni thok tiyar khlainani jora hwnwi Bό chwngno phrwngo.

Kaitorni Mothani Adongrok o Swngcharno Kόk Diyarini Mokol bai Nai-o

Kaitorni Mothani adongrok kwbángma birmani karonno saui manno tei Buj Thummani Salo mwthangjaknani lama wng kha, Khristo Ahnsahnghong tei Chuknohani Ama phunukmani, Baibelni kόk diyarirokno buchimani se hwnwi saui manno. Adongrok, Kaitorni kόkrokno khnaui, khá kiphilmani langma-o tong lai-o tei Chuknohani lama tẃi him lai-o.

“ ‘Norok choba bai urumuruni kók khna pha’-no ta kiri di; omo hairok ma wng granai’-no, tamo khe aphurubo o mol pái glak kho.” Bo hai hwnwibo sa kha, “Dopha bai dopha choba nang lai anw, ha bai ha nang lai anw; bangla kotor koromsaui phai anw, kwrẃngsa kwrẃngsa-o asari nang anw, boyar kwthwng sip anw;’ ”
Luk 21:9-11

“ ‘Ang yaphangni simi páithakni wngmungno sakhlaiwi hai hwnwi sa-o; ‘Ani kókbiti tong phlainai tei ani bwkha-o chapmarokno ang khlaiwi páinai.’ ”
Jisaia 46:10