Ang Laray ni Melquisedec ug ang Pangulong Pari

Si Jesu-Cristo mao ang Pangulong Pari nga nagbuhat sa sakripisyo sa Bag-ong Kasabotan sa laray ni Melquisedec.

Ang rason nga si Jesus nahimong Pangulong Pari hangtod sa kahangtoran sa laray ni Melquisedec tungod kay, niining panahona usab, adunay Pagsaylo sa bag-ong kasabotan nga Iyang pagabuhaton ingon nga Pari. Sama nga gipanalanginan ni Melquisedec si Abraham og pan ug bino sa panahon sa Daang Kasabotan, si Jesus mihatag sa katawhan sa panalangin sa kinabuhing dayon pinaagi sa pan ug bino.

Ang mga Miyembro sa Church of God Nagsunod sa Dalan ni Cristo Ahnsahnghong, Kinsa mianhi sa Laray ni Melquisedec

Sama ni Jesus, ang Ikaduhang Pag-anhi nga si Cristo Ahnsahnghong nagsilbi usab nga Pangulong Pari sa laray ni Melquisedec, nga naghatag sa panalangin sa kinabuhing dayon pinaagi sa pan ug bino sa Pagsaylo sa bag-ong kasabotan. Niini nga panahon, kadto lamang nagsunod sa laray ni Melquisedec sa bag-ong kasabotan, dili sa laray ni Aaron gikan sa daang kasabotan, ang mahimong mga anak sa saad kinsa makapanunod sa saad sa Dios.

Buot tin-awon pag-ayo sa Dios alang kanila nga modawat sa iyang gisaad nga dili gayud niya usbon ang iyang tuyo. Tungod niini, gipanumpaan niya ang iyang saad.
Nag-una pagsulod si Jesus didto alang ug tungod kanato. Nahimo siyang pangulong pari hangtod sa kahangtoran sa laray sa pagkapari ni Melquisedec.
Hebrews 6:17–20

Ang tinago mao nga pinaagi sa ebanghelyo ang mga dili Judio, sama sa mga Judio, makadawat usab sa mga panalangin sa Dios. Mga bahin sila sa usa lamang ka lawas ug makaambit sa saad sa Dios diha kang Cristo Jesus.
Ephesians 3:6