ନିସ୍ତାରପର୍ବ ହେଉଛି ପରମେଶ୍ୱରଙ୍କ ପ୍ରତି ଫେରିବାର ପଥ

ପରମେଶ୍ୱରଙ୍କ ପ୍ରତି ଫେରିବାର ଏକମାତ୍ର ପଥ ହେଉଛି ନୂତନ ନିୟମର ନିସ୍ତାରପର୍ବ

ଯଦି ଆମ୍ଭେ ନୂତନ ନିୟମର ନିସ୍ତାରପର୍ବ ମାଧ୍ୟମରେ ପରମେଶ୍ୱରଙ୍କ ପ୍ରତି ଫେରିବା,
ତେବେ ଆମ୍ଭେ ପାପର କ୍ଷମା ଏବଂ ଅନନ୍ତ ଜୀବନ ପ୍ରାପ୍ତ କରିବା ।
କିନ୍ତୁ, ଯଦି ପରମେଶ୍ବରଙ୍କ ନିୟମରେ କେହି ରହନ୍ତି ନାହିଁ,
ତେବେ ପରମେଶ୍ୱର ସେମାନଙ୍କୁ ଛାଡ଼ି ଦେବେ; ଶେଷରେ, ସେମାନେ ଏକ ଦୁଃଖଦ ଅନ୍ତର ସାମ୍ନା କରିବେ
କାରଣ ଦୁଷ୍ଟାତ୍ମାମାନେ ସେମାନଙ୍କ ଭିତରେ ପ୍ରବେଶ କରନ୍ତି
ଯେପରି ସେମାନେ ରାଜା ଶାଉଲ ଏବଂ ଇଷ୍କାରିୟୋତୀ ଯିହୂଦାଙ୍କ ସହିତ କରିଥିଲେ ।

ଚର୍ଚ୍ଚ ଅଫ୍ ଗଡ୍ ନିସ୍ତାର ପର୍ବ ମାଧ୍ୟମରେ ପରମେଶ୍ୱରଙ୍କ ପ୍ରତି ପ୍ରକୃତ ଆରାଧନା କରେ

ଯେତେବେଳେ ରାଜା ହିଜକୀୟ ଏହା ଘୋଷଣା କରିବାକୁ ଦୂତମାନଙ୍କୁ ପଠାଇଲେ
କି “ନିସ୍ତାରପର୍ବ ପାଳନ କର ଏବଂ ପରମେଶ୍ୱରଙ୍କ ପ୍ରତି ଫେର,”
ତେବେ ଉତ୍ତର ଇସ୍ରାଏଲର ଲୋକମାନେ ତାଙ୍କୁ ପରିହାସ କରି ବିଦ୍ରୁପ କଲେ ।
ଶେଷରେ ସେମାନେ ନଷ୍ଟ ହୋଇଗଲେ । ଆଜି ଯେଉଁମାନେ ଏହିପରି ପ୍ରତିକ୍ରିୟା କରନ୍ତି,
ସେମାନେ ଉତ୍ତର ଇସ୍ରାଏଲର ଲୋକମାନଙ୍କ ପରି ସମାନ ପରିଣାମ ଭୋଗିବେ ।
ଯଦିଓ ଦୁନିଆରେ ଅନେକ ଚର୍ଚ୍ଚ ଅଛି, କିନ୍ତୁ କେବଳ ସେହି ଚର୍ଚ୍ଚ ଯେ ନିସ୍ତାରପର୍ବ ପାଳନ କରେ,
ଯାହାଠାରେ ପରମେଶ୍ୱରଙ୍କ ପ୍ରତିଜ୍ଞା ଅଛି, ତାହାକୁ କୁହାଯାଇପାରିବ
ଯେ ସେ ପରମେଶ୍ୱରଙ୍କ ପ୍ରତି ଫେରିଛି ଏବଂ ଏକ ଚର୍ଚ୍ଚ ଭାବରେ ଆଶୀର୍ବାଦ ପ୍ରାପ୍ତ ହୋଇପାରିବ
ଯେଉଁଠାରେ ପରମେଶ୍ୱର ତାହା ସହିତ ଅଛନ୍ତି ।

ଅନନ୍ତର ଲୋକମାନେ ଯେପରି ସଦାପ୍ରଭୁ ଇସ୍ରାଏଲର ପରମେଶ୍ଵରଙ୍କ ଉଦ୍ଦେଶ୍ୟରେ ନିସ୍ତାର ପର୍ବ ପାଳନ କରିବା ପାଇଁ ଯିରୂଶାଲମକୁ ସଦାପ୍ରଭୁଙ୍କ ଗୃହକୁ ଆସିବେ, ଏଥିପାଇଁ ହିଜକୀୟ ସମଗ୍ର ଇସ୍ରାଏଲ ଓ ଯିହୁଦା ନିକଟକୁ ଲୋକ ପଠାଇଲେ, ପୁଣି ଇଫ୍ରୟିମ ଓ ମନଃଶି ନିକଟକୁ ହିଁ ପତ୍ର ଲେଖିଲେ... “ହେ ଇସ୍ରାଏଲ ସନ୍ତାନଗଣ, ତୁମ୍ଭେମାନେ ଅବ୍ରହାମର ଓ ଇସ୍‍ହାକର ଓ ଇସ୍ରାଏଲର ପରମେଶ୍ଵର ସଦାପ୍ରଭୁଙ୍କ ପ୍ରତି ପୁନର୍ବାର ଫେର ।” ୨ବଂଶାବଳୀ ୩୦:୧-୬