Ka Niam ka Jinglait ka Dei ka Lynti ban Phai Pat sha U Blei

Ka Lynti ban Phai Pat sha U Blei Ka Dei Tang ka Jutang Bathymmai ka Niam Ka Jinglait

Lada ngi phai sha U Blei lyngba ka Jutang Bathymmai ka Niam ka Jinglait, ngin ioh ka jingmap ki pop bad ka jingim bymjukut. La kumta ruh, lada uno uno um iaineh ha ka jutang U Blei, U Blei un iehnoh ia u; ha kaba kut, un iakynduh ia ka jingkut kaba shyrkhei ynda ki mynsiem bymman ki la rung ha u kumba ki la leh ia U Syiem Saul bad U Judas Iskariot.

Ka Balang U Blei Ka Buh ia ka Jingshakri kaba Shisha sha U Blei Lyngba ka Niam ka Jinglait

Haba U Syiem Hesekaiah u la phah ia ki nonglam khubor ban pynbna, “To rakhe ia ka Niam ka Jinglait bad phai sha U Blei,” ki briew ha North Israel ki la pyrthuh bein bad rkhiebein ia ki. Ha kaba kut, kine ki briew ki la shah pynjot. Ki briew ha kine ki sngi kiba leh ha kajuh ka rukom, kin ioh ia kajuh ka jingkut kum ki briew jong ka North Israel.
Watla ki don shibun ki balang ha ka pyrthei, tang ka balang kaba rakhe ia ka Niam ka Jinglait, kaba long ka jingkular U Blei, lah ban ong ba ki la phai sha U Blei bad kin ioh jingkyrkhu kum ka balang kaba U Blei u don ryngkat bad ki.

“Bad U Hesekaiah u la phah ha ki Israel bad ki Judah baroh, bad u la thoh shithi ruh ha ki Ephraim bad ha ki Manasseh, ba kin wan ha ka ïing U Trai ha Jerusalem, ban rakhe ia ka niam ka jinglait . . . to phai pat sha U Trai, U Blei U Abraham, U Isaak, bad U Israel.” 2 Ki Khronikl 30:1–6