Paseka Ke Tsela ya Ho Kgutlela ho Modimo

Yona Feela Tsela ya ho Kgutlela ho Modimo Ke Paseka ya Selekane se Setjha

Haeba re kgutlela ho Modimo ka Paseka ya Selekane se Setjha, re fumana tshwarelo ya dibe
le bophelo bo sa feelang. Leha ho le jwalo, haeba mang kapa mang a sa tiiseletse selekaneng sa Modimo, Modimo o tla ba furalla; qetellong, ba tla shebana le sephetho sa masesa pelo kaha meya e mebe e ba kena feela jwalokaha e entse ho Kgosi Saule le Judase Iskariota.

Kereke ya Modimo e Boloka Thapelo ya Nnete ho Modimo ka Paseka

Ha Kgosi Hesekiya a ile a romela maqosa ho phatlalatsa, “Bolokang Paseka mme le kgutlele ho Modimo,” batho ho Iseraele e Leboya ba ile ba a tsheha le ho a soma. Qetellong, batho bana ba ile ba timetswa. Batho kajeno ba arabang ka mokgwa o jwalo, ba tla shebana le pheletso e tshwanang le ya batho ba Iseraele e Leboya.
Le hoja ho na le dikereke tse ngata lefatsheng, kereke eo feela e bolokang Paseka,
eo e leng tshepiso ya Modimo, e ka bolelwa ho ba e kgutletse ho Modimo mme e le kereke
e hlohonolofaditsweng moo Modimo a nang le bona.

Hesekiya a romela molaetsa ho Baiseraele bohle, le setjhaba sa Juda, a ba a ngolla le ba morabe wa Efraime le wa Manase, a ba memela hore ba tle Tempeleng ya Morena, Jerusalema, ho tla etsetsa Morena Modimo wa Iseraele, mokete wa Paseka . . . “Lona bana ba Iseraele, Kgutlelang ho Morena Modimo wa Aborahama, Isaka, le Iseraele.” II Dikronike 30: 1-6