Meda Kakua ni Guilecava na Lawa ni Kalou.

Na Cava e Vakabibitaka Kina na Lawa ni Kalou o Karisito Ahnsahnghong kei na Kalou na Tinada?

Ni da bulataka na bula ni talairawarawa ki na lawa ni Kalou, sa dau vakarautaki tu vei keda na veivakalougatataki levu. Ena vuku ni ka oqo, ena loma ni solevu a tauyavutaka na Kalou me tekivu mai na gauna nei Tamada —me vaka na Siga ni Vakacecegu kei na Lakosivia —e dau tu ga kina na ivakaro, “Dou kakua ni guilecava, mo dou nanuma ka maroroya me tawamudu.”

Na Vuna Bibi Era Maroroya Kina na Lewe ni Lotu ni Kalou e Vuravura Raraba na Lawa ni Kalou

E kaya na i Vola Tabu ni o ira era muria na lawa ni Kalou ena veitabagauna kecega era na vakalougatataki me vaka na tamata yalododonu, ka ra na cudruvi o ira era beca na lawa ni Kalou ena vuku ni talaidredre. Na vuna era kau vakavesu kina na Isireli ki Papiloni e vu mai na nodra sega ni muria na lawa ni Kalou.

Keimami a sega ni vakarorogo vei kemuni, Turaga na Kalou, o ni a tukuna vei keimami me keimami vakaitovotaki keimami me vaka na lawa o ni a solia vei ira na nomuni parofita me neimami. Sa voroka na nomuni lawa o Isireli taucoko ka bese ni vakarorogo ki na ka o ni tukuna. Keimami a caka cala vei kemuni ka o ni a vakatauca vei keimami na kena i sau sa tukuni tu ena Lawa i Mosese, na nomuni tamata. Taniela 9:10–11

sa muria na noqu vunau, ka sa vakabauta na noqu lewa ni sa yalododonu: e sa na bula vakaidina o koya, sa kaya na Kalou ko Jiova. Isikeli 18:9