Ang Pangasaw-onon nga Naghatag sa Tubig sa Kinabuhi Mao ang Dios Inahan

Ang usa, nga naghatag sa tubig sa kinabuhi sa tanang kapanahonan—panahon sa Amahan, sa Anak ug sa Espiritu Santo, mao lamang ang Dios.

Apan, ang uban nag-ingon nga ang mga balaan makahatag sa tubig sa kinabuhi.

Usa ka binuang nga ang mga balaan, nga naghatud lamang sa tubig sa kinabuhi sa Dios, nag-ingon nga sila mao ang naghatag sa tubig sa kinabuhi.

Sama kini sa usa ka kartero nga naghatod ug sulat nga nag-ingon, “Ako ang nagpadala.”

Dili makatarunganon nga molihok nga ingon nga kita naghatag og usa ka butang kung sa tinuod adunay lain nga naghatag niini.

Kon kita moingon nga kita mao ang naghatag ug usa ka butang nga gikan sa Dios, kini magdala ug tunglo sa atong kaugalingon.

Isip katawhan sa Dios, kinahanglang mahibalo kita sa unsang matang ang Dios nga moabot aron sa paghatag kanato sa tubig sa kinabuhi niining panahona, nganong gihulagway sa Biblia ang Dios ingong Balaang Espiritu ug ang Pangasaw-onon, ug giunsa Nila paghatag ang tubig sa kinabuhi.

Ang Church of God mituo sa Balaang Espiritu nga si Ahnsahnghong ug sa Dios Inahan nga mao ang Pangasaw-onon.

Kami naglaum nga kamo makadawat sa kinabuhing dayon pinaagi sa tubig sa kinabuhi nga gihatag sa Dios Amahan ug sa Dios Inahan.