Veil

Bisi 2,000 swkango, Snamnai Sa Kaitor Jisuni mungbai khe o ha-o phai kha hakhe Swmai Kwtal songchaui rw phai kha. Swmai Kwtalni bising tẃi, sumsok tei thwimungni tektokno manwi tongnai, Kaitorni bwsarok, sumsok nakarmung bai thwi phlai ya langma manwi mano. Bisi tham romwi, Jisu Bini sagrirokno Swmai Kwtal tẃimano phunukmari khe phunuk phai kha.

“Ang norokno khlaiwi phunuk langma hai’-no norokbo khlai lai di.” (Joh 13:15)

Thangwi Bachamani yagulo, Jisu Bini sagrirokno joto bororokno Swmai Kwtalno tẃinani bagwi phrwng di hwnwi sa kha hakhe bórok mwthang jakna tẃi khe. (Mat 28:19)

Jisuni Kóktháino rwktharwi, Bini sagrirok Swmai Kwtalno tẃiwi pir lai kha. Chwng aboni bising tẃi sumsok nakarmungrok manwi manmani, a Swmai Kwtalo, lobmungni bagwi raida tongo.

Aboni bagwi’-no suri lai phuru chwla khoroksa swk bokhorok rí hungwi suri san khe bo Khristono sak nang ya wngma klai-o. Phiya suri lai phuru bwrwi khoroksa swk bokhorok rí hung yaui suri san khe bo bwsaino sak nang ya wngma klai-o; (1 Ko 11:4)

Swmai Kwtalno rwktharnai a motha-o lobmungni jora-o khe bwrwirok bokhorogo rí hung lai-o, tei chwlarok khe hung lai ya. Haiphano, Jisu chuknoha-o kasaui thángmani yagulo, baksa bwrwirok lobmungni jora-o ri hungnani nang ya hwnwi kók silsa lai-o. Omoni bagwino, borokni habar baino bwrwini khwnai kolok hwn khe teibo naithok khe nukjago hwnwi bujogwi saui, Sagri Pol bórokno rí hugnani bagwi koi kha.

Norok’-no uansugui nai di; motha suri lai phuru bwrwirok bokhorok rí hung yaui Kaitorni thani suri san khe abo cha da cha? Chwlarok bwkhnai kolok narwk khe abo lachimasingcha se, bwrwirok khe abo bai mwchango hwnwi swngcharno norok’-no phrwngo, hai ya diba? Bwrwirokno bwkhnai kolok rwma khe bokhorok kholopna bagwi rwmani se. Khoroksa swk kók swbángna muchung khe ani sanani omo tẃi, suri thani-o tongmungno karwi chinibo tei tongmung kwrwi, Kaitorni motharoknibo kwrwi. 1 Korinth 11:13–16

Baibelo srái srái kheno sa-o je bwrwirok lobmungni jora-o bórokni bokhorokno ri bai khe kholopna nangnai hwnwi. Lobmungni jora-o bokhorogo ri hungmani raidano tẃimani wng kha rí hungmani raidano tẃimani wng kha Kaitorni muchungmung se.