Swmai Kwtalni Yókma Ter: Birmanrokni Yakni Katimung Mannani Bagwi A Pherwi Manya Swmai

Swmai kwtalni Yókma Ter wng kha birmanrok laiwi thángmani a ter hwnwi mungono buchiui mano. Swmai kwtalni Yókma Terni bising tẃi, birimanrok laiwi thángmani a phan, tabukni jora-o bo abo nangwi tongo.

Talikha hamya wngwi, kwbángma bororokno o swmai rwsúkjakno mannani bagwi naituk lai ya. Ao, Bórok abono puitu khlainani bagwi tukjagwi phano mano, phiya ba teibo sói kók hwn khe, bórokni saka-o abo hai birman phai glak hwnwi srai srai wng yauino bórok puitu chasúkmani bagwi se.

Noani jora-obo abo haini kosolno. Noa kotorma rung tangwi a bebak bisirokno lai rwui suda, tei uatwi uanani chengwi suda, bororok khá ka yauino bórokni langma-o tongwi tong lai-o. Uatwi twi kotoro khe sláijagwi tháng anw hwnwi bórok nuksok li ya.

Omo hai kheno, birmanrokno nuksogwi manya. Bu phuru, buro, tei bubo hai khe birmanrok phainai sói khe saui mannani tei abórokni tẃi khe tiyar wngnani abono khlaiwi mannani eba saui mannani moton ya. Ao, tumung chwng birmanrokni jora-o katiui mannani chini thani kwpal tong khe abo talikha kahamno wng anw, phiya ba je phuru phano jora chama-o máng khá bera khe abo belai khe kirimasingcha tei huj kwrwi wng glak da?

Joto bororokno Kaitorni swmai rwsúkjakno se nango. A swmai wng kha swmai kwtalni Yókma Ter, aboni jarwi birmanrok laiwi thángo.

00:00 Noani Twi Kotor

00:51 Bórok Rungtorro Habwi Manya Wngmani A Karon

01:57 Uklogo Tongrwknairokni Tonghalok

02:42 Tabukni Birmanrok

03:12 Birmanrokni Hamnani Lama: Swmai Kwtalni Yókma Ter

04:10 Talikha Hammani eba Jora Chamano Twẃi ya, phiya ba Kaitorni Swmai pherwi manyano Twẃi Se