ଗୁଗ୍ଲୁ

2,000 ସିର୍‌ମା ସିଦା, ପାର୍‌ମେଶ୍ୱାର୍‌ ବାବାଇନିଃ ୟୀଶୁ ନୁତୁମ୍‌ତେ ନେ ଅତେ ଦିଶୁମ୍‌ରେ ହିଜୁଃଲେନା, ଅଡ଼ଃ ନାୱାଁ ନିୟାଁମାଏ ବାଇକେଦା।

ନାୱାଁ ନିୟାଁମ୍‌ରାଃ ହୋରାତେ, ପାର୍‌ମେଶ୍ୱାର୍‌ରାଃ ହନ୍‌କ, ଅକନ୍‌କ ପାପ୍ ଆର୍ ଗନଃଏତେକ ଥଲାକାନା, ପାପ୍ ଛେମା ଆର୍ କା ଟୁଣ୍ଡୁଃ ଯୀଦାନ୍‌କ ନାମ୍ ଦାଳିୟା।

ଆପି ସିର୍‌ମା ଜାକେଦ୍, ୟୀଶୁ ଆୟାଃ ଚେଲାକ ନାଗେନ୍ତେ ନାୱାଁ ନିୟାଁମ୍ ମାନାତିଙ୍ଗେରାଃ ଜନକାଏ ବାଇକେଦା।

“ଆଇଁଙ୍ଗ୍ ଆପେନାଙ୍ଗ୍ କାଜିୟାକାଦ୍‌ପେୟାଃ ଆପେୟ ଏନ୍‌କାଏପେ ମେନ୍ତେ ଆଇଁଙ୍ଗ୍ ମିୟାଁଦ୍ ଜନକାଇଁଙ୍ଗ୍ ଏମାକାଦ୍‌ପେୟା।” (ଯୋହାନ୍ 13:15)

ଯୀ ବିନିରୁଦ୍ ତାୟଁମ୍‌ତେ, ୟୀଶୁ ଆୟାଃ ଚେଲାକଏ କାଜିୟାଦ୍‌କଆ ସୋବେନ୍ ହଡ଼କକେ ନାୱାଁ ନିୟାଁମ୍ ମାନାତିଙ୍ଗ୍ ଇତୁକପେ ଚିୟାଃଚି ଇନ୍‌କୁକ ଦୁଗଃକା। (ମାତି 28:19)

ୟୀଶୁୱାଃ କାଜି ମାନାତିଙ୍ଗେତାନ୍‌ଲଃ, ଇନିୟାଃ ଚେଲାକ ନାୱାଁ ନିୟାଁମ୍‌କ ପ୍ରାଚାର୍‌କେଦା।

ନାୱାଁ ନିୟାଁମ୍‌ରେ, ଅକନାଃ ହୋରାତେ ଆବୁ ପାପ୍ ଛେମାବୁ ନାମ୍ ଧାଳିୟା, ସୁନୁସାର୍‌ରାଃ ମିୟାଁଦ୍ ନିୟାଁମ୍‌ ତାନାଃ।

ହେଗେ ଜେତା କଡ଼ା ବେଦାକାନ୍ତେ ସୁନୁସାର୍‌ ତାନ୍‌ରେଦ ଇନିଃ ପାର୍‌ମେଶ୍ୱାର୍‌ରାଏ ହିଲାଙ୍ଗିୟାଁ; ମେନ୍ଦ ଜେତା କୁଡ଼ି ଆୟାଃ ବଃଅ କାଏ ଗୁଗ୍ଲୁନ୍‌ରେଦ ଆୟାଃ ବଃଅଏ ହିଲାଙ୍ଗେୟାଁ। (କୁରେନ୍ଥି 11:4-5)

ଖ୍ରୀଷ୍ଟାଃ ହୋରାତେ ବାଇୟାକାନ୍ କାଲିସିୟାରେ ଜେତାଏ ନାୱାଁ ନିୟାଁମାଏ ମାନାତିଙ୍ଗ୍‌ ତାନ୍‌ରେଦ, ସୁନୁସାର୍‌ ଇମ୍‌ତାଙ୍ଗ୍‌ କୁଡ଼ି ଆୟାଃ ବଃଅଏ ଗୁଗ୍ଲୁନ୍‌ ତାନା ଅଡ଼ଃ କଡ଼ା କାଗେ।

ମେନ୍ଦ, ୟୀଶୁ ସିର୍ମାତେ ସେନଃୟାଁନ୍ ତାୟଁମ୍‌ତେ, ଚିମିନାଙ୍ଗ୍ କୁଡ଼ିକ କେଟେଃନ୍‌ତାନ୍‌ଲଃକ କାଜିକେଦା ସୁନୁସାର୍‌ରେ ଇନ୍‌କୁକେ ବଃଅ କା ଗୁଗ୍ଲୁନ୍ ଲାଗାତିଙ୍ଗା।

ଏନାମେନ୍ତେ, ଇନ୍‌କୁକେ ପ୍ରେରିତ୍ ପାଉଲୁସ୍ ବଃଅ ଗୁଗ୍ଲୁନ୍ ନାଗେନ୍ତେ କାଜିୟାଦ୍‌କଆ, ନେୟାଁ ସାରିତାନ୍‌ଲଃ ଚି ହଡ଼ହନ୍‌କୱାଃ ସେସେନ୍‌ରେ ମିୟାଁଦ୍ କୁଡ଼ିୟା ଜିଲିଙ୍ଗ୍ ଉବ୍ ପୁରାଃ ସୁଗାଡ଼୍ ଆଟ୍‌କାରଃୱା।

କୁଡ଼ି ସାମା ବଃଅ ପାର୍‌ମେଶ୍ୱାର୍‌ରାଃ ଆୟାର୍‌ରେ ବିନ୍ତିୟା, ଚିୟାଃ ଏନା ବୁଗିନା? ଆପାନ୍ ଆପାନ୍ ମୋନ୍‌ରେ ଏନା ବିଚାରେପେ।

ଅଡ଼ଃ କଡ଼ା ନାତିନ୍ ଉବ୍ ହାରା ଗିୟୁଃ କାଜି ତାନାଃ, ଚିୟାଃ ଜାନ୍ମଗେ ଏନା କାଏ ଇତୁପେତାନା?

ମେନ୍ଦ କୁଡ଼ିୟାଃ ଉବ୍ ହାରା ଇନିୟାଃ ନାଗେନ୍ତେ ମାଇଁନ୍‌ରାଃ କାଜି ତାନାଃ, ଇନିଃଦ ଦାପାଲେନ୍ ନାଗେନ୍ତେ ଉବାଏ ନାମାକାଦା।

ମେନ୍ଦ ଜେତା ହଡ଼ ଏପ୍ରାଙ୍ଗାଏ ମୋନେରେଦ, ଆବୁୱାଃ ଆର୍ ପାର୍‌ମେଶ୍ୱାର୍‌ରାଃ କାଲିସିୟାକୱାଃ ନେଲେକାନ୍ ଦାସ୍ତୁର୍ ବାନଃୱାଁ।”

1କୁରେନ୍ଥି 11:13-16

ଧାରାମ୍ ପୁଥି ପକ୍ତାଲେକାତେ କାଜିତାନା ସୁନୁସାର୍ ଇମ୍‌ତାଙ୍ଗ୍ କୁଡ଼ିକେ ଆୟାଃ ବଃଅ ଗୁଗ୍ଲୁତେ ଗୁଗ୍ଲୁନ୍ ଲାଗାତିଙ୍ଗା।

ସୁନୁସାର୍ ଇମ୍‌ତାଙ୍ଗ୍ ମିୟାଁଗ୍ ନାଗେନ୍ତେ ଗୁଗ୍ଲୁ ଗୁଗ୍ଲୁନ୍‌ରାଃ କାମି, ନାୱାଁ ନିୟାଁମେତେ ମିୟାଁଦ୍ ରଦାକାନ୍ ନିୟାଁମ୍‌ ତାନାଃ ଏନା ୟୀଶୁଏ ଇତୁୱାକାଦା ଅଡ଼ଃ ପାଉଲୁସ୍ ପ୍ରେରିତାଏ ପ୍ରାଚାର୍‌କେଦା।

ଗୁଗ୍ଲୁନ୍‌ରାଃ ନିୟାଁମ୍ ମାନାତିଙ୍ଗ୍‌ ପାର୍‌ମେଶ୍ୱାର୍‌ରାଃ ମୋନେ ତାନାଃ।