Teiuáisa Phainai Khristo Ahnsahnghong

Khristo AhnsahnghongWng Kha Pholani Daud, Teiuáisa Phainai Khristo Hwnwi Baibelo Kόk Diyari Sasokjakmani Sakkirok

Joto bororok morke-o thángnani nangwi tongmani kwpal hamyani tonghalokno Chonghor Johon nuk phuru, bό kap kha. Haiphano, okrarokni bere khoroksa bόno hai hwnwi sa kha, “Thinango, sil bujakmani Baibelno Daudni Bosong phiyok phai nai tei bororokno mwthangnai.” Daudni langma-o sajakmani hai khe, bisi 30 umoro baptisma wngnai, bisi 37 tei tongmano phnangnai, tei chini Chuknohani Amani kubuino khobwi, swmai kwtalno tei sil bujak Baibelni kόk huijakno phunuk phai nai wng kha Khristo Ahnsahnghong.

Joto Bosongrok Kochok Khlaiwi Phaimani, Kaitorni Motha-o Phunukjakmani Kaitorni Kόk Chapmani Abo Tamo?

Daud simi se Baibelni huijak kόkrok phiyogwi mano, aboni bagwino bororok Daud bai malai nani nangnai. Daud wngwi phainai Khristo Ahnsahnghong, o swrapsani langmano tẃiwi phrwng yaui, bororokno molbrúmni chuknohano tẃiwi phrwng kha. Omo bai baksa, Kaitorni kόk chapma-o huijak, pholani Ebi, Ama Kaitor tongmano tẃiwi bo, Bό phrwng kha. Aboni bagwino, Ama Kaitor tongmani Kaitorni Motha-o joto bosongrok kochok khlaiwi phai lai kha.

A bijapno phiyogwi nainai abo tẃi chúknai borok khoroksa phano kwrwini bai ang swlwgwi kap kha. Hakhe okrarokni bere khoroksa ano hai hwnwi sa kha, “Ta kap di! Naisik di! Juda bosongni Singho, Daud bosongni a borok kotor bo kwplai wng kha, hakhe bo a sil kaisnino swkagwi a bijapno phiyogwi mano.”
Phunukjakmani 5:4-5

Uáisa le joto borokno ma thwithai, aboni ulo Kaitor bai buj thumjaknai. Abo hai kheno Khristobo aswk bororokni sumsokno swkakna bagwi uáisa bai’-no sakno rw kha. Bo tei uáisa phai phinai sumsok swkakna bagwi ya, bono naisingwi tongnairokno mwthangna bagwi se phainai.
Hibru 9:27-28