Phola bai Hamjwk Kwtalni Swmai Kwtalni Samung Tangnai Rok

Chuknohani Bwsarok Wngnani Bagwi Kόk Huijak,
a Swmai Kwtalni Samung Tangnairok Bόrok
Wng Kha Kaitorno Khátung Rw Kuknai rok

Aro-o tamo tong abono naiwi, a bukcha bottle abo
khumni manwi eba khe twini bottle wngwi manno.
Chonghorok 2,000 bisi swkango Pentikosni Salo Phola Kwthar
yachakmani yagulo swmai kwtalni samung tangnairok wngma hai,
chwngbo haino, Kaitorni phermung kwrwi
bwsa wngwi manno chini bisingo Phola Kwthar tong phuru khe.

Chwng Pentikosni Salo Phola Kwthar Yachak Phuru Khe
Kothoma Kahamni Kwmamsingcha Samung Wngo

Nwisai bisirok hai swkango, Jisi kruso thwimani yagulo, a chonghorok kirijak kha,
Phiya ba Pentikosni Salo Phola Kwthar yachakmani yagulo,
bόrok kwrak khe Jisu wng kha Masia se hwnwi pír lai kha.
Chonghorok khlaima hai kheno, Kaitorni Mothani adongrok
Pentikosni Salo ulni uatwini Phola Kwthar yachakmani yagulo
kwrak khe Khristo Ahnsahnghong tei Ama Kaitor bororokno
mwthangna bagwi phai kha hwnwi pír lai kha.

Pentikos sal sók phai kha, aphuru poito khlainairok
bebak’-no kwrẃngsa-o kuthum laijak.
Aphuru nokbar kotor sipchaui kutukma hai khe nokha phaisingni
aro achomsa kutuksa kha, hakhe abo bórok achugwi
tongmani nok gwnangwi kutuk phai kha. . . .
Bórok bebak’-no Phola Kwthar bai koboljak bai kha,
hakhe Phola sa rwma tẃi buini kók bai kók sa lai kha.
Samung 2:1-4