Kaitorni Phan tei Odikarni Kwmamsingcha Samungo Tongnani Bagwi Chini Thani Poito Tongnani Nango
Kaitor Gideoni sengkrakrokno chong phuru, kirima gwnang bororokno Bό yachak liya. Bό salbrúmno Josuani sengkrakrokno ta kiri di hwnwi jur rw kha. Omoni bising tẃi, Kaitorni swmairokno poito chá mani tei khá krak khe bwskang phaising himmani abo se nangkhukmani mannwi hwnwi chwng buchiui man kha.
Kaitorni Mothani Adongrok Phan Thonwi Kothoma Kahamno Pír Lai-o tei Phola Kwtharni Molo Kaitorni Swmaino Poito Khlai-o
Katswi Kanan hano tẃiwi kόkthum hamya pír nai tei kόkbáng nai, Kaitorni swmairokno poito khlai ya Israilsarok hai, tumungno chwng bororokno tei tongboyarno kiri mani bagwi chwng koromotho wng khe, chwng pholani Kanan, chuknoha-o jesa khe phano habwi man glak. Chwngno hamari rw nani bagwi Khristo Ahnsahnghong tei Ama Kaitor chwngno swmai rwmano poito khlaiwi, chuknohani kothoma kahamno chwng phan thonwi pír khe, swngchar gwnangwini bororokno mwlang chá rwmani kothoma kahamni kwmamsingcha samung sόino wng nai.
Subraiyungni seleng Musi thwimani yagulo khe Subraiyung Musini yakchu Nunni bwsla Josuano hai hwnwi sa kha, “Ani seleng Musi thwi kha. Hakhe tabuk bachaui nwng tei o borokrok bai Jordan ayang naro Israilrokno rwnani hwnmani a ha-o tháng di.
Josua 1:8-9
- আগের তারিখ
- 2022. 09. 16
- সহানুভূতি
- 6
