ຄິດສະຕະຈັກໃດ ທີ່ປະຕິບັດຕາມ ເທດສະການເພັນເຕກັອດ?

[ຄິດສະຕະຈັກຂອງພະເຈົ້າ ສະມາຄົມເຜີຍແຜ່ຂ່າວປະເສີດທົ່ວໂລກ ປະຕິບັດຕາມເທດສະການ
ເພັນເຕກັອດ ຕາມພະຄໍາຂອງພະຄິດ]

ປະຈຸບັນນີ້, ຄິດສະຕະຈັກຢ່າງຫຼວງຫຼາຍອ້າງວ່າ ພວກເຂົາປະຕິບັດຕາມເທດສະການເພັນເຕກັອດ
ແລະ ໄດ້ຮັບພະວິນຍານບໍລິສຸດ. ຢ່າງໃດກໍຕາມ, ເມື່ອເຮົາປະຕິບັດຕາມເທດສະການເພັນເຕກັອດ
ໃນມື້ທີ່ພະເຈົ້າໄດ້ຊົງກໍານົດໄວ້ ຕາມລະບຽບການທີ່ພະເຈົ້າໄດ້ຊົງຕັ້ງຂຶ້ນເທົ່ານັ້ນ ຈຶ່ງສາມາດຮັບ
ພະພອນແຫ່ງພະວິນຍານບໍລິສຸດໄດ້.

ເທດສະການເພັນເຕກັອດ ​ແມ່ນ​ມື້​ທີ​ຫ້າ​ສິບ ​ຫຼັງຈາກ​ເທດສະການວັນ​ແຫ່ງຜົນຜະລິດເທື່ອທໍາອິດ
(ເທດສະການວັນ​​ຄືນພະຊົນ). ຕາມພະຄຳ​ຂອງ​ພະ​ເຢຊູ, ບັນດາ​ສາວົກ​ໄດ້​ອະທິຖານ​ໃນ​ຫ້ອງ​ໂຖງ
ຊັ້ນ​ເທິງ​ຂອງ​ມາລະໂກ ​ເປັນ​ເວລາ​ສິບມື້ ​ນັບ​ຈາກ​ວັນສະເດັດຂຶ້ນສູ່ສະຫວັນ ແລະ​ ໄດ້​ຮັບ​ພະວິນຍານບໍລິສຸດ
​ໂດຍ​ການ​ປະຕິບັດຕາມມື້ເພັນເຕກັອດ. ຄິດສະຕະຈັກຂອງພະເຈົ້າ ສະມາຄົມເຜີຍແຜ່ຂ່າວປະເສີດທົ່ວໂລກ ແມ່ນຄິດສະຕະຈັກດຽວທີ່ໄດ້ຮັບພະພອນແຫ່ງພະວິນຍານບໍລິສຸດ ເຊິ່ງໄດ້ທໍານວາຍໄວ້ໃນພະຄໍາພີ ໂດຍການປະຕິບັດຕາມເທດສະການເພັນເຕກັອດ ຕາມພະຄໍາຂອງພະເຢຊູ.

ເມື່ອຮອດມື້ເພັນເຕກັອດ ບັນດາຄົນເຊື່ອຖືທັງໝົດໃນທີ່ນັ້ນກໍມາເຕົ້າໂຮມກັນຢູ່ບ່ອນດຽວ.
ໃນທັນໃດນັ້ນ ມີສຽງໜຶ່ງດັງມາຈາກທ້ອງຟ້າເໝືອນດັ່ງສຽງລົມພະຍຸກ້າກ້ອງສະໜັ່ນທົ່ວເຮືອນ
ທີ່ພວກເຂົານັ່ງຢູ່ນັ້ນ. ແລ້ວພວກເຂົາກໍເຫັນສິ່ງໜຶ່ງເບິ່ງຄືຮູບລີ້ນເປັນແປວໄຟ ເຊິ່ງກະຈາຍອອກໄປ
ຢູ່ເທິງເຂົາທຸກຄົນ ຜູ້ລະລີ້ນ. ຜູ້ເຊື່ອຖືທຸກຄົນໃນທີ່ນັ້ນຈຶ່ງເຕັມດ້ວຍພະວິນຍານບໍລິສຸດ ແລະ
ເລີ່ມຕົ້ນປາກພາສາອື່ນໆ ຕາມທີ່ພະວິນຍານໂຜດໃຫ້ພວກເຂົາເວົ້າ.
[ກິດຈະການ 2: 1-4]