ប្រពន្ធថ្មោងថ្មីនៃវិវាហមង្គលស្ថានសួគ៌ គឺជាព្រះមាតា

[សមាជិកពួកជំនុំនៃព្រះ ត្រូវបានអញ្ជើញឱ្យចូលរួមក្នុងវិវាហមង្គលស្ថានសួគ៌]

កាលពី២០០០ឆ្នាំមុន ព្រះយេស៊ូវបានប្រៀបប្រដូចសេចក្ដីសង្គ្រោះ និងការចូលទៅក្នុងនគរស្ថានសួគ៌ ទៅនឹងការអញ្ជើញឱ្យចូលរួមក្នុងវិវាហមង្គល ដើម្បីធ្វើបន្ទាល់ពីព្រះមាតាស្ថានសួគ៌ ដែលនឹងបង្ហាញអង្គទ្រង់ជាមួយព្រះវរបិតា ហើយប្រទានទឹកជីវិតដល់មនុស្សជាតិ នៅជំនាន់ចុងក្រោយនេះ គឺជំនាន់ព្រះវិញ្ញាណបរិសុទ្ធ។

នៅពេលការយាងមកលើកទី១របស់ព្រះយេស៊ូវ មិនទាន់ដល់ពេលដែលប្រពន្ធថ្មោងថ្មីបង្ហាញអង្គទ្រង់នៅឡើយទេ ដូច្នេះមានតែកូនកំលោះ និងពួកភ្ញៀវប៉ុណ្ណោះ ដែលបានរៀបរាប់នៅក្នុងពាក្យប្រៀបប្រដូចរបស់ព្រះយេស៊ូវ ប៉ុន្តែ ព្រះគម្ពីរបានមានទំនាយថា ប្រពន្ធថ្មោងថ្មីដែលជាភរិយារបស់កូនចៀម ពោលគឺជា ព្រះមាតាស្ថានសួគ៌ យេរូសាឡិមស្ថានសួគ៌ នឹងលេចមកនៅថ្ងៃចុងក្រោយ។