ପାର୍‌ମେଶ୍ୱାର୍‌ରାଃ ବିରୁଦ୍ଦରେ ପାପ୍ ତାନ୍‌କ ଅଡ଼ଃ ପାର୍‌ମେଶ୍ୱାର୍‌ରେ ବିଶ୍ୱାସ୍‌ ତାନ୍‌କୱାଃ ଜୋ

ଚିୟାଃ ଏନ୍ ହଡ଼କଲେକା ଉଡ଼ୁଗେନ୍‌ପେ ସାନାଙ୍ଗେନା ଅକନ୍‌କ ପାର୍‌ମେଶ୍ୱାର୍‌ରାଃ ବିରୁଦ୍ଦରେକ ପାପ୍‌ଲାଃ ଚି ଏନ୍ ହଡ଼କଲେକା ଅକନ୍‌କ ପାର୍‌ମେଶ୍ୱାର୍‌ରେକ ବିଶ୍ୱାସ୍‌‌ଲାଃ?

ଦିନଃଦିନଃଲଃ ସାମାଏ ବିତାଅୟାଁନା ଏନ୍‌ଲେକାଗି ଇନିଃୟାଃ ରାଇଜ୍‌ ପୁରାଃ ପେଡ଼େଃୟାଁନା, ରାହାବାମ୍, ଶାଉଲ୍, ଉଜ୍ଜିୟାହା, ଆହାଜ୍ ଅଡ଼ଃ ସିଦାକିୟା ଲେକାନ୍ ରାଜାକ ଆକଏତେକ ଡିଡିନେୟାଁନା ଅଡ଼ଃକ ମୋୟାନା।
ଅଡ଼ଃ ଟୁଣ୍ଡୁରେ, ଇନ୍‌କୁ ପାର୍‌ମେଶ୍ୱାର୍‌ରାଃ ବିରୁଦ୍ଦକ ପାପ୍‌କେଦା ଅଡ଼ଃକ ଜିୟାନେୟାଁନା।
ଏଟାଃସାଃରେ ୟୋତାମ୍ ଅଡ଼ଃ ଦାଉଦ୍, ଅଡ଼ଃ ଦାନିୟେଲ୍ ଅଡ଼ଃ ଇନିୟାଃ ଆପିହଡ଼୍‌ ଗାତିକ ପାର୍‌ମେଶ୍ୱାର୍‌ରେ ବିଶ୍ୱାସିକ ତାଇକେନା ଅଡ଼ଃ ଇନ୍‌କୁ ପାର୍‌ମେଶ୍ୱାର୍‌ତେ ଆଶିଷ୍‌କ ନାମାନା।
ଅଡ଼ଃ ନେୟାଁ ମିୟାଦ୍ ବୁଗିନ୍ ସେଣାତାନାଃ ଅକନାଃ ତିସିଙ୍ଗ୍ ବିଶ୍ୱାସ୍‌ରାଃ ହୋରାଏ ଉଦୁବେତାନା ଏନାକେ ତିସିଙ୍ଗ୍ ପାର୍‌ମେଶ୍ୱାର୍‌ରାଃ ରେନ୍ ହାଗାମିସିକ ମାନାତିଙ୍ଗେ ଲାଗାତିଙ୍ଗା।

ଯୀଦାନ୍‌କେ ପାର୍‌ମେଶ୍ୱାର୍‌ ହଡ଼୍‌ମ ଲେକାତେ ଅଡ଼ଃ ଆତ୍ମିକ୍ ଲେକାତେ, ଜିନିତାଅ, ଗନଃଏ, ଅଡ଼ଃ ଜିୟାନ୍ ସୋବେନାଃ ଆୟାଃତିଃଈରେୟାଏ ଦହାକାଦା

ଇନ୍‌କୁକେ ଜାନାଅଁଗେ ପାର୍‌ମେଶ୍ୱାର୍‌ରେ ବୁଗିଲେକା ତାଇନଃ ଲାଗାତିଙ୍ଗା ଅଡ଼ଃ ଏନ୍‌ଲେକାନ୍ ବିଶ୍ୱାସ୍ କା ଜଗାୱେ ଲାଗାତିଙ୍ଗା ଚ ଜେତାଲେକାନ୍ କା ଠାଉକାରେ ଡାଗାମାଗାଃଅୱା।
ଅଡ଼ଃ ଏନାଏତେ, ଇନ୍‌କୁକେ ଖ୍ରୀଷ୍ଟ୍‌ ଆନ୍ ସାଙ୍ଗ୍ ହୋଙ୍ଗ୍ ଅଡ଼ଃ ଏଙ୍ଗା ପାର୍‌ମେଶ୍ୱାର୍‌ରାଃ ଦେଙ୍ଗାରେ ବିଶ୍ୱାସେ ଲାଗାତିଙ୍ଗା ଅଡ଼ଃ ପାର୍‌ମେଶ୍ୱାର୍‌ରାଃ କାଜିଲେକା ସୁକୁକାଜିରାଃ କାମି କାମି ଲାଗିତିଙ୍ଗା।
ଅଡ଼ଃ, ସିୟୋନ୍‌କେ ପାର୍‌ମେଶ୍ୱାର୍‌ ଦାଉଦାଃ ରାଇଜ୍‌ଲେକା ପେଡ଼େଃ ଅଡ଼ଃ କେଟେଃ, ଆର୍ ଦିଶୁମ୍‌ରେ ସୋବେନାଃଏତେ ସାଲାଙ୍ଗି ବାଇୟା।।

ନେଲେକାତେ ଶାଉଲ୍ ଆୟାଃ ପାପ୍ ନାଙ୍ଗାଏ ଗଃଏୟାଁନା ଇନିଃଦ ପ୍ରାଭୁୱାଃଏ ପାପ୍‌କେଦା; ଅଡ଼ଃ ଇନିୟାଃ କାଜି କାଏ ମାନାତିଙ୍ଗ୍‌କେନା, ଅଡ଼ଃଗେ ପ୍ରାଭୁୱାଃ କାଜି କା ମେନ୍ଦ ସୋଖା କାଜି କୁଲି ନାଗେନ୍ତେ ଇନିଃ ତାଃତେୟାଏ
ସେନ୍‌କେନା।
ଏନା ନାଗେନ୍ତେ ପ୍ରାଭୁ ଇନିଃୟାଏ ଗଃଏକିଃୟା ଅଡ଼ଃ ୟୀଶାଇୟାଃ ହନ୍‌ତେକଡ଼ା ଦାଉଦାଃ ରାଇଜାଏ ଅମାଃଇଁୟାଁ।
1ଇତିହାସ୍ 10:13-14

ଅଡ଼ଃ ୟୋତାମାଏ ପେଡ଼େଃୟାଁନା, ଇନିଃଦ ପ୍ରାଭୁ ଆୟାଃ ପାର୍‌ମେଶ୍ୱାର୍‌ରାଃ ସାନାମାଙ୍ଗ୍‌ରେ ଗୁଗିଲେକାତେୟାଏ ସେସେନ୍‌କେନା।
2 ଇତିହାସ୍ 27:6