Tumungno Sabat Sal Jesa Salo Phano Tẃiwi Man Khe, Kaitor Tamni Bagwi Salsni Salno Muitu Khlai Di Hwnwi Dagi Khna?
Kaitorno khulummani sal wng kha salsni-sal Sabat, abo wng kha hatibarni Chasal. Sabat wng kha hamari rwnai hwnwi kόk rwjakmani kwthar sal, tei Kaitorni borok hwniw sinijaknani sal. Dagimung kaisachini kaibrwini dagimung hai khe, omo wng kha bororok tẃi nani nangmani khulummani sal. Aboni bagwino, Jisu, Khristo Ahnsahnghong, tei Ama Kaitor chwngno Sabat tẃiwi phunuk kha.
Swngchar Gwnangwini Kaitorni Motha Baibelni Mote khe Chasalo Sabat Tẃi-o.
Tamni bagwi Kaitor Kaini hilino yachak liya tei Abelni simi yachak khna? Kaitor tamni bagwi Aronni bwsajla, ochai Nadab tei Abihuno sokomor khna, bόrok tabukni pastorrok hai? Omorok bebakno bόrokni uansukmungni mote khlai mani bagwi se tei Kaitorni kόkno tẃi yani bagwi. Omo hai heno, Kaitorni muchungmani mote Sabat salno tẃiwi Kaitorno khulummani wng kha hamarini huijak surani.
Bo salsnini salno hamari rw kha tei juda khe khak kha, . . .
Yaphang 2:3
“Sabat salno muitu ma khlainai tei kwthar khe ma tẃinai.”
Lam Rwma 20:8
Jisu torma lokmani a Nasareto phai kha, Sabat sal brúm brúm thumnogo thángma hai’-no bo Sabat salo thumnogo tháng kha. Bo Elembak porina hwnwi bacha kha,
Luk 4:16
- আগের তারিখ
- 2022. 01. 14
- সহানুভূতি
- 20
