Káinok Terni Phola Kwthar tei Rang-ni Rwngthoma

Phola Kwtharni Samung Wngo Je Phuru a
Tei Rang Khokbasai Ajinai Hai Khe
Poitoni Mokolrok Tong Khe

Mathai 25-o, a Nokphangsa selengrokno bórok rang yachakma bai bepar
thwngna bagwi a Rangni Rwngthoma-o sama hai, chwng kwrak
khe Kaitorni aroni yachakmani swmai kwtalni kothoma kahamno
swngchar gwnangwi pírnani nangnai.
A rang khoksasai yachagwi tei abono ha bisingo phobwi rwnai
borokno karwi, chwng bebak udru mudru wngmani tei
uanamano khibiwi tei poitoni mokol rok bai khe kothoma
kahamno pír khe, chwng Kaitorni saoidomrogo manjagwi manno.

Swkangni Mothani Kwthar bororok hai, Kaitorni Mothani Adongrok
Káinor Terni Phola Kwthar Yachak Kha—Bórok tamo Khlainai Nangnai?

Chongrok sal brúmno Jisu wng kha Khristo hwnwi Phola Kwthar bai khe pírma hai,
bórok kwrak khe Khristo Ahnsahnghong tei Ama Kaitorni mwthangmungno
swngchar gwnangwi pírnani nangnai, Kaitorni a Phola Kwthar, abo wng kha
tei uáisni bar Bó puila-o phaimani slai phan gwnang kuk-no, o
Phola Kwtharni molo poito khlaiwi.

Pitor bórokno hai hwnwi sa kha, “Norok jotono sumsok nakarjakna
tẃi khe norokni sumsok yakar di tei Jisu Khristoni mungwi baptisma wng di,
hakhe Kaitor rwmani a Phola Kwtharno norok mannai. . . .
“O borok hamyarok yagul sujak anw norok aroni yókna nai di.”
Bo samani kókno baksa baksa poito khlaiwi baptisma wng bai kha;
hakhe a salo borok khorok thamsai wng anw bórokni bisingo sitokjak kha.
Samung 2:38-41