O le Tausamiga o Areto e lē Faafefeteina

O le a le Tausamaaga e Mafai ona Tatou Iloa ai Puapuagatia o Keriso, o Aofia ai i Galuega a Mose

Sa onosaia e Mose ma le fanauga a Isaraelu le puapuagatia tele mai le taimi na latou tausia ai le Paseka ma tuua Aikupito se’ia latou sopoia le Sami Ulaula. Na faataunuuina lenei mea e ala i tiga ma puapuagatia lea na uia e Keriso e ala i le Tausamiga o Areto e lē Faafefeteina, o le aso lea ua mavae ona Ia tausia le Paseka.

E Manatua e le Ekalesia a le Atua le Taulaga a le Atua e ala i le Tausiaina o le Tausamiga o Areto e lē Faafefeteina

O le Tausamiga o Areto e lē Faafefeteina, o se tausamaaga e faaalia mai ai puapuagatia o Keriso, o le mea moni lea o le Tulafono a Mose i le Feagaiga Tuai.
I lenei vaitaimi, na fetalai mai le Atua ia i tatou ina ia auai i le puapuagatia o Keriso e ala i le anapogi ina ia faaatoatoaina ai i tatou e ala i le faatoilaloina o puapuagatia uma e mafai ona oo iai i tatou taitoatasi.

O loo molimau mai lea lava Agaga i o tatou agaga, o fanau i tatou a le Atua. Afai foi o fanau i tatou, o suli foi, o suli lava o le Atua, o suli faatasi ma Keriso; pe afai tatou te tiga faatasi ma ia, ina ia faamanuiaina foi i tatou faatasi ma ia. Auā o lo’u manatu e le tatau ona faatusaina le tiga i nei ona po ma le manuia atali e faaalia mai ia te i tatou. Roma 8:16–18