အဇုမပွဲ

မောရှေ၏လုပ်ဆောင်ချက်များထဲတွင် ပါဝင်သော မည်သည့်ပွဲတော်အားဖြင့် ခရစ်တော်၏ဒုက္ခခံခြင်းကို ကျွန်ုပ်တို့ နားလည်နိုင်ပါသနည်း။

မောရှေနဲ့ ဣသရေလလူမျိုးတွေဟာ ပသခါစောင့်ပြီး အဲဂုတ္တုပြည်ကနေ ထွက်လာတဲ့အချိန်ကစပြီး ပင်လယ်နီကို မဖြတ်ခင်အထိ၊ ဒုက္ခဆင်းရဲအများကြီးကို ရင်ဆိုင်ခဲ့ကြပါတယ်။ ဒါတွေဟာ ခရစ်တော်က ပသခါပွဲကိုစောင့်ပြီးတော့ နောက်တစ်နေ့မှာရောက်လာတဲ့ အဇုမပွဲတော်နေ့မှာ ရင်ဆိုင်ရတဲ့ ဒုက္ခဆင်းရဲအားဖြင့် ပြည့်စုံခဲ့ပါတယ်။

အဇုမပွဲကိုစောင့်ခြင်းအားဖြင့် ဘုရားသခင်၏ပေးဆပ်မှုကို သတိရကြသော ဘုရားသခင်၏အသင်းတော်

အဇုမပွဲတော်ဟာ ဓမ္မဟောင်းကျမ်းမှာရှိတဲ့ မောရှေရဲ့ပညတ်ရဲ့ အစစ်အမှန်ဖြစ်တဲ့ ခရစ်တော်ရဲ့ ဒုက္ခဆင်းရဲကို ပုံဖော်တဲ့ပွဲတော် ဖြစ်ပါတယ်။
ဒီနေ့ခေတ်မှာ၊ ဘုရားသခင်ဟာ ကျွန်တော်တို့ကို အစာရှောင်ခြင်းအားဖြင့် ခရစ်တော်ရဲ့ဒုက္ခဆင်းရဲခြင်းထဲမှာ ပါဝင်ပြီး၊ ကျွန်တော်တို့ကိုယ်စီကြုံတွေ့ရမယ့် အခက်အခဲအားလုံးကို ကျော်ဖြတ်ခြင်းအားဖြင့် ပြည့်စုံတဲ့သူဖြစ်လာဖို့ မိန့်တော်မူခဲ့ပါတယ်။

"ငါတို့သည် ဘုရားသခင်၏သားဖြစ်ကြသည်ဟု ဝိညာဉ်တော်သည် ငါတို့၏ဝိညာဉ်နှင့်အတူ သက်သေခံတော်မူ၏။ သားမှန်လျှင် အမွေခံ၊ ဘုရားသခင်၏ အမွေခံဖြစ်ကြ၏။ ခရစ်တော်နှင့်အတူ ဘုန်းဝင်စားမည်အကြောင်း၊ ထိုသခင်နှင့်အတူ ဆင်းရဲဒုက္ခကိုခံရလျှင်၊ ထိုသခင်နှင့်ဆက်ဆံသော အမွေခံလည်း ဖြစ်ကြ၏။ ငါတို့အား ပေါ်ထွန်းလတ္တံ့သော ဘုန်းကိုထောက်သော်၊ ယခုမျက်မှောက်ကာလ၌ ခံရသောဆင်းရဲဒုက္ခကို ပမာဏမပြုထိုက်ဟု ငါသဘောရှိ၏။" ရောမသြဝါဒစာ ၈:၁၆-၁၈