Le Aso o le Togiola ma le Alofa Tunoa o le Togiola

Ina ua Tuuina Mai e le Atua Poloaiga e
Sefulu i le Taimi Lona Lua, o Lona uiga
Na Ia Faamagalo Atu Agasala

O Tulafono muamua e Sefulu na maua
e Mose na solia ona sa tapuai Isaraelu i
le tamai povi auro.
Ina ua uma ona iloa e le fanauga a Isaraelu a
latou agasala ma salamo, sa alu ifo Mose
ma le seti lona lua o Tulafono e Sefulu na
tuuina atu e le Atua ia i latou o se faailoga o
le faamagaloga.
Na avea lea ma amataga o
le Aso o le Togiola.

O Tagata o le Ekalesia a le Atua e o mai
i le Atua le Tina, le Nofoaga Sili ona Paia,
e ala i le Aso o le Togiola

Pe a faia e se tagata se agasala, o lena
agasala e ave mo sina taimi i le Atua, le
malumalu, seia oo i le Aso o le Togiola.
Pe a ulu atu le ositaulaga sili i le Mea e
Sili ona Paia ma faia le sauniga o le sausauina
o le toto, ona faamagaloina atoatoa lea o le agasala.
E faapena foi i aso nei, e aunoa ma le
mauaina o le alofa tunoa o Ierusalema, o
le Nofoaga Sili ona Paia, o lona uiga, le
Atua le Tina, e leai se tasi e mafai ona
ausia atoatoa le faamagaloga o agasala
po o le faaolataga.

A uma foi ona faia e ia o le togiola mo le mea paia,
ma le fale fetafai o le faapotopotoga, ma le fata faitaulaga
, ona au mai ai lea o le ‘oti ola;
e faaee foi e Arona ona lima e lua i le ulu o le ‘oti
ola, ma faaali i ona luga o amio leaga uma a le fanauga
a Isaraelu, ma o latou solitulafono uma i a latou agasala
uma, o loo faaee ai i le ulu o le ‘oti, ona tuu atu ai lea o le
‘oti i le lima o le tagata ua saunia e ave i le vao.
E ave foi e le ‘oti i ona luga a latou amio leaga uma
i le nuu e le āina, na te tuua foi le ‘oti e alu i le vao.
Levitiko 16:20–22